Aýdandyq probasııa qyzmetiniń bastyǵy S.Seıdahmetovtiń aıtýynsha, polısııa qyzmetkerleri 2 azamatty tekserý barysynda olardyń kıiminiń qaltasynan ózindik ıisi bar keptirilgen esirtki zaty tabylyp, ony ótkizý maqsatynda ózimen birge zańsyz saqtaǵany anyqtalǵan. Sot úkimimen emirtki tasyǵan ekeý Qazaqstan Respýblıkasy Qylmystyq kodeksiniń 296-babynyń 2-bóligimen kináli dep tanylyp, olarǵa 80 saǵat qoǵamdyq jumystarǵa tartý jazasy taǵaıyndalǵan. Qazir olar kúnine 4 saǵattan aýdandyq ákimdik belgilegen oryndarda tazalyq jumystaryn atqaryp júr.
«Qazirgi ýaqytta óz kinámdi tolyq túsindim. Qandaı qylmystyń da óteýi jaza ekenin bile tura jasaǵanyma ishteı ókinishim bar. Jazamdy eńbekpen ótep jatyrmen. Bul maǵan úlken sabaq boldy», dedi eseptegi azamattyń biri.
