Aqtóbe qalasynyń diapazon.kz basylymy 2015 jyldyń naýryz aıynda Asqar Maratulyna qatysty týyndaǵan janjal týraly jazady. Sol ýaqytta ol Aqmola oblysy Zerendi aýdanynyń ákimi bolǵan. 2015 jyldyń 8 aqpanynda polısııa onyń Toyota Land Cruiser 200 markaly kóligin toqtatyp, ondaǵy memlekettik nómirlerdiń jalǵan ekenin anyqtaǵan.
Quqyq qorǵaý organdary ákimshilik hattama toltyryp, isti sotqa jibergen. Sóıtip, ákim bir jyl merzimge kólik júrgizý quqyǵynan aıyrylǵan.
Sondaı-aq sot Asqar Maratulyna qatysty tártiptik jaza qabyldaý týraly sheshimdi Memlekettik qyzmet isteri jáne sybaılas jemqorlyqqa qarsy is-qımyl agenttigine jibergen.
Esterińizge sala keteıik, «QazAvtojol» ulttyq kompanııasynyń burynǵy basshysy Ulan Álipov Prezıdent synynan keıin jumystan bosatyldy. Qasym-Jomart Toqaev elimizdegi respýblıkalyq jáne jergilikti joldardyń jaǵdaıy azamattardyń áli de narazylyǵyn týdyratynyn aıtty.
Al 22 sáýirde Asqar Maratuly «QazAvtojol» ulttyq kompanııasynyń jańa Basqarma Tóraǵasy bolyp taǵaıyndaldy.
A.Maratuly 1976 jyly týǵan. Shyǵys Qazaqstan tehnıkalyq ýnıversıtetinde «kóliktegi ekonomıka jáne menedjment» mamandyǵy boıynsha, sondaı-aq L. Goncharov atyndaǵy Qazaq jol-kólik ýnıversıtetinde oqyp, «avtomobıl joldary jáne aerodromdar qurylysy ınjeneri» mamandyǵyn aldy.
Eńbek jolyn 1998 jyly bastady.
1998-2002 jyldary Kólik jáne kommýnıkasııa mınıstrliginde túrli qyzmetter atqardy. «QazAvtojol» RMK-nyń Qostanaı, Qaraǵandy jáne Pavlodar oblystyq fılıaldarynda jumys istedi.
2007-2012 jyldary – Astana qalalyq Jolaýshylar tasymaly jáne avtomobıl joldary basqarmasy basshysynyń orynbasary, Kólik jáne kommýnıkasııa mınıstrliginde sarapshy, Jambyl oblystyq Qarjylyq baqylaý ınspeksııasy basshysynyń orynbasary.
2012-2015 jyldary – Aqmola oblystyq Jolaýshylar kóligi jáne avtomobıl joldary basqarmasynyń basshysy.
2015-2017 jyldary – Zerendi aýdanynyń ákimi.
2017-2019 jyldary – Aqmola oblystyq Jolaýshylar kóligi jáne avtomobıl joldary basqarmasynyń basshysy.
2019 jyldyń 3 sáýirinen beri Aqmola oblysy ákiminiń orynbasary laýazymyn atqardy.
