Búgin qurlyqtyq chempıonat aıaqtalǵan soń Azııa trıatlon konfederasııasynyń jyl saıynǵy 29-y kongressi ótkizildi.
Alqaly jıynǵa Azııanyń 25 ulttyq trıatlon federasııalarymen qatar, Qazaqstan trıatlon federasııasy da qatysty.
Onlaın-konferensııada Asia Triathlon prezıdentiniń, bas hatshysynyń, bas qazynashysy men sportty damytý basshysynyń jyldyq esepteri tyńdaldy. Kongress músheleri uıym kúntizbesine sprınt qashyqtyǵyndaǵy Azııa chempıonatyn qosý týraly Konstıtýsııaǵa ózgeris engizýdi biraýyzdan maquldady. Asia Triathlon quramyna jańa múshe – Saýd Arabııasynyń ulttyq trıatlon federasııasy qabyldandy. Sonymen birge vırtýaldy kezdesý kezinde jýyrda bolatyn Azııa qurlyǵynyń iri týrnırleriniń jergilikti uıymdastyrý komıtetteri óz is-sharalarymen tanystyryp ótti. Olar: Tokıoda ótetin Olımpıada jáne Paralımpıada oıyndary; 2021 jyly Cholpon-Atada ótetin sprınt qashyqtyǵyndaǵy Azııa chempıonaty; 2021 jyly Nur-Sultanda aralas estafeta jáne U23, Junior sanattarynda sportshylar arasyndaǵy Azııa chempıonaty; 2022 jyly Hanchjoýda bolatyn 19-y Azııa oıyndary.
Osylaısha Qazaqstan óz jerinde aralas estafeta, jasóspirim jáne 23 jasqa deıingi sportshylar arasynda Azııa chempıonatyn qabyldaıtyn bolady.
Ortalyq Azııada alǵash ótkeli otyrǵan aıtýly doda 3-5 qyrkúıekte el astanasynda ótedi dep josparlanýda.
