Medısına • 26 Sáýir, 2021

Elordaǵa otandyq «QazVac» vaksınasynyń qansha dozasy jetkizildi?

25 ret kórsetildi

Nur-Sultan qalalyq Qoǵamdyq densaýlyq saqtaý basqarmasynyń qoımalaryna otandyq «QazVac» vaksınasynyń 6 myń dozasy jetkizildi. Munan bólek reseılik «Spýtnık-V» preparatyn qosa alǵanda, vaksınanyń 55 myńǵa jýyq dozasy bar, dep habarlaıdy Egemen.kz

«О́tken aptada ǵana qazaqstandyq «QazVac vaksınasynyń birinshi partııasy jetkizildi. Endi halyqtyń suraýy men qalaýy boıynsha qazaqstandyq ónimdi ekpe retinde qoldana alamyz. Dáriger retinde jáne eń aldymen, Qazaqstan Respýblıkasynyń azamaty retinde elimizdiń vaksına shyǵarýǵa qabiletti elderdiń qatarynda bolǵany men úshin maqtanarlyq jaıt», dedi Nur-Sultan qalalyq Qoǵamdyq densaýlyq saqtaý basqarmasynyń basshysy Tımýr Muratov.

Onyń aıtýynsha, elorda turǵyndary «Spýtnık-V» men «QazVac» vaksınalarynyń birin tańdaı alady.

«Kúnine 6 myń adamǵa deıin ekpe salynady. Bastapqyda turǵyndar vaksınaǵa saqtyqpen qarady. Biraq vaksına almaý densaýlyqqa áldeqaıda qaýipti ekenin jáne tek osylaısha ózimizdi ınfeksııadan qorǵaı alamyz degen keń aýqymdy túsindirý jumystaryn júrgizý arqyly azamattar vaksınalanǵandardyń qataryna óz erkimen qosyla bastady. Halyq arasynda qorqý men senimsizdik joıylyp, óz densaýlyǵy úshin jaýapkershilik arta tústi», dedi ol.

Sonymen qatar vedomstvo basshysy saýda, oıyn-saýyq ortalyqtarynda vaksınasııa pýnkterin ashýdyń tıimdiligin de atap ótti. Búgin elordada vaksınasııa pýnkteri «Mega Silk Way», «Keruen», «Han Shatyr» jáne «Abý-Dabı Plaza» saýda ortalyqtarynda ashylǵan. Olarda kúnine 250-ge jýyq adam ekpe alady.

Nur-Sultan qalalyq Qoǵamdyq densaýlyq saqtaý basqarmasy baspasóz qyzmetiniń málimetinshe, halyqty vaksınamen keń qamtý úshin qala ákimi Altaı Kólginovtiń tapsyrmasymen vaksınasııa pýnkteriniń sany 36-dan 100-ge deıin arttyryldy. Sondaı-aq medısınalyq-sanıtarııalyq kómek kórsetý uıymdary úshin jumys ýaqyty 8:00-den 24:00-ge deıin, saýda jáne oıyn-saýyq ortalyǵynda saǵat 10:00-den 22:00-ge deıin ulǵaıtyldy.

 

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar