«Izdeý sharalary kezinde qaldyqtar tabyldy. Olar polısııaǵa tapsyryldy», dedi Qaraǵandy oblysy TJD baspasóz qyzmetindegiler.
Qaraǵandy oblysynyń polısııa departamentindegiler de máıittiń tabylǵanyn rastady.
«Izdestirý jumystary kezinde rasymen áıel adamnyń denesi tabyldy. Qazirgi tańda barlyq qajet saraptama taǵaıyndaldy. Marqumnyń kim ekenin anyqtap jatyrmyz», dep habarlady Qaraǵandy oblysy PD baspasóz ókili.
Nura aýdany turǵyndarynyń sózine súıensek, marqumnyń denesi sýda uzaq jatqan kórinedi.
Buǵan deıin habar-osharsyz ketken sharýa qojalyǵynyń basshysy Nurlan Súleımenovtyń týystary kútpegen málimdeme jasaǵan edi. Olar kásipkerdiń sýǵa batyp ketkenine kúmánmen qaraıdy. Jaqyndary belgisiz bireýler kásipkerdi urlap, qylmysyn jasyrý úshin kólikti sýǵa batyrǵan dep sanaıdy. Sondyqtan ony sýdan ǵana emes qurlyqtan da izdeýdi surap otyr.
