“JOL KARTASY” BIYL DA JALǴASADY

Keshe Premer-Mınıstr Kárim Másimovtiń tóraǵalyǵymen Úki­met­te kezekti selektorlyq keńes bolyp ótti. Onda “bir tereze” qa­ǵı­da­ty boıynsha halyqqa qyzmet kórsetý ortalyqtarynyń (HQKO) ju­my­sy jáne 2010 jylǵy “Jol kartasyn” is júzine asyrý máseleleri qaraldy. “Qazaqstan Respýblıkasy Ádi­let mınıstrligi Tirkeý qyzmeti jáne quqyqtyq qyzmet kórsetý ko­­mıtetiniń halyqqa qyzmet kór­setý ortalyqtary memlekettik me­keme­le­rin jergilikti atqarýshy organ­dar­dyń qaramaǵyna berý tý­raly” 2010 jylǵy 15 qańtardaǵy Úkimet qaýlysynan keıin elimizde jumys istep turǵan barlyq HQKO-lar jer­gilikti atqarýshy or­gandardyń qa­ramaǵyna berilgen bolatyn. Se­lek­torlyq keńeste baıandama jasa­ǵan Ádilet mınıstri Rashıd Tú­sip­bekov qazir HQKO-larǵa qyzmet kórsetý máseleleri boıynsha ádistemelik jáne qu­qyq­tyq kómek kórsetý sharalary ǵana mınıstrlikke júktelgenin atap kórsetti. О́ńirlerdegi HQKO-lardyń ju­mysyn odan ári jandandyrý maq­sa­tynda “2010-2012 jyldarǵa ar­nalǵan respýblıkalyq bıýdjet tý­raly” zańǵa sáıkes aǵymdaǵy jyly oblystyq bıýdjetterge jal­py kólemi 7 mıllıard teńgeden astam maqsatty transfertter bólingen. Ke­ńes barysynda oblys ákimdik­teri­niń HQKO-lardyń sanyn kóbeıtý baǵytynda atqaryp jatqan oń isteri atap kórsetildi. Má­selen, jergilikti atqarýshy or­gandardyń quzyryna berilgen kezde olardyń sany 316 bolsa, búginde olardyń sany 335-ke jetken. Selektorlyq keńeste HQKO-lardyń jumysyn­da­ǵy jergilikti jerlerde turǵyn­darǵa jedel de sapaly qyzmet kórsetýde oryn alǵan problemalar jan-jaqty tilge tıek etildi. Kún tártibindegi ekinshi másele boıynsha, Eńbek jáne halyqty áleýmettik qorǵaý mınıstri Gúl­shara Ábdiqalyqova baıandama ja­sady. Memleket basshysynyń tap­syrmasymen daǵdarys jyldaryn­da óziniń tıimdiligin kórsetken “Jol kartasy” baǵdarlamasynyń shara­la­ryn 2010 jyly da jal­ǵas­tyrý tý­raly sheshim qabyldanǵan bola­tyn. Osyǵan baılanysty 2010 jyl­ǵy “Jol kartasyna” respýb­lı­kalyq bıýdjetten 100 mlrd. teńge qarjy bólindi. Jergilikti bıýd­­jet­ter qosymsha 43,4 mlrd. teńge qar­jy bólý máselesin qaras­tyryp otyr. Mańǵystaý oblysy jergilikti bıýdjetten taǵy da 1 mlrd. teńge qa­rastyrý múmkindigin tapty. 2010 jylǵy “Jol kartasy” baǵyttary boıynsha barlyǵy 3224 joba júzege asyrylmaq. Osy jobalar aýqymynda atqarylatyn jóndeý jumystaryna 127,6 myń adam jumysqa tartylmaq. О́tken jyldyń sońynda elimiz­degi jumyssyzdar sany 532 myń adam bolyp, jumyssyzdyq deńgeıi 6,3 paıyzdy qurasa, osy jyldyń birinshi toqsanynyń sońynda ju­myssyzdyq deńgeıi 6,1 paıyzǵa deıin tómendegen. 2010 jylǵy áleý­mettik jumys oryndary men jas­tar tájirıbesi baǵdarlamalary sheńberinde shamamen 53 myń ýa­qyt­sha jumys ornyn ashýǵa 6,3 mlrd. teńge qarjy kózdelgen. Bul ba­ǵyttaǵy keshendi sharalar óńir­ler­de bıylǵy jyldyń basynda-aq qolǵa alynǵan. 6512 jumys berý­shi­men 20424 jumys oryndaryn ashý týraly kelisim-shart jasaldy. Qazirdiń ózinde áleýmettik jumys oryndary men jastar tájirıbesi baǵdarlamalary boıynsha halyqtyń nysanaly toptary qatarynan 17,7 myń adam jumysqa ornalasty­ryl­dy. Olardyń ishinde 4,5 myń adam halyqtyń az qamtamasyz etilgen toptarynyń arasynan quraldy. Selektorlyq keńesti Úkimet basshysy Kárim Másimov qory­tyn­dylap, qaralǵan máseleler boı­ynsha oryn alǵan problema­lar­dy sheshýge tıisti organdarǵa bir aı merzim beretinin eskertti. Maý­sym aıynyń basynda búgingi kún tártibinde qaralǵan másele­ler­di qaıtadan Úkimet otyrysynda talqylaý týraly tapsyrma berdi. Elbasynyń tikeleı tapsyrmasy­men bıyl biz “Jol kartasy” baǵ­darlamasyn odan ári jalǵastyrý­da­myz, bul – halqymyzdyń jaǵ­daıyn jaqsartýdan týyndaǵan ıgi sheshim. Sondyqtan osy maqsatqa bó­lingen bıýdjet qarjysynyń ba­rynsha tıimdi jumsalýyn qadaǵa­laý­dy tapsyramyn, – dedi Premer-Mınıstr. Sonymen birge K.Másimov kók­temgi sý tasqynynan zardap shekken Shyǵys Qazaqstan obly­sy­na kómek kórsetý maqsatynda árbir oblys 50 mıllıon teńge qar­jy aýdarýy qajettigin atap kór­setti. О́tken aptada, dedi odan ári Úkimet basshysy, Qyrǵyz Respýb­lı­kasy ýaqytsha úkimetiniń ókil­deri gýmanıtarlyq kómek surap kelgenin bilesizder. Elbasynyń tapsyrmasymen baýyrlas Qyrǵyz eline gýmanıtarlyq kómek retinde 3 myń tonna janar-jaǵarmaı berý uıǵaryldy. Jylqybaı JAǴYPARULY.