Quqyq qorǵaý organdarynyń málimetinshe, Túrkistan qalasynda asa iri kólemde geroın tasymaldaǵan turǵyn ustaldy. Esirtkini zańsyz tasymaldaý jáne saqtaý týraly aqparat oblystyń Polısııa departamenti Esirtikini zańsyz tasymaldaý is-qımyl basqarmasyna kelip túsken. Aryz boıynsha birden shuǵyl is-qımyldar bastalǵan.
Esirtki qylmysyna qarsy is-qımyl basqarmasynyń qyzmetkerleri «Shymkent-Samara» tasjolymen qozǵalǵan jolaýshy avtobýstaryn tekserýge kirisken. Sonyń nátıjesinde «Almaty-Túrkistan» baǵytynda kele jatqan avtobýstaǵy jolaýshy áıel kúdik týdyrǵan. Tintý kezinde áıeldiń sómkesinde qaǵazǵa oralyp, polıetılen paketine salynǵan aq-sur tústi esirtkige uqsas untaq tabyldy.
Saraptama taǵaıyndalyp, onyń qorytyndysy boıynsha tárkilengen zattyń salmaǵy 60 grammǵa jýyq geroın ekeni anyqtaldy. Iаǵnı geroınniń salmaǵy 300 dozaǵa teń.
Atalǵan fakti QR QK-niń 297-babymen (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha sotqa deıingi tergeý bastaldy.
