7 bala tárbıelep otyrǵan jalǵyzbasty ana Almagúl Qozybekova aýyr materıaldyq jaǵdaıdy ıgere almaı, Almatydaǵy «Nur Otan» partııasynyń Almaly aýdandyq fılıalyna júginýge májbúr bolǵan. Onyń jalǵa beriletin turǵyn úıdi tóleýge jáne nesıe boıynsha birneshe mıllıon dollarlyq bereshegin óteýge aqshalaı qarajaty joq ekeni belgili boldy.
Almaly aýdany ákiminiń orynbasary Arhat Omarov partııanyń aýdandyq fılıaly alańynda áıeldi qabyldap, máselesin tyńdady. Nurotandyqtar men memlekettik organdar ókilderinen quralǵan mobıldi top ótinish berýshiniń turǵylyqty mekenjaıyna baryp, úlken otbasynyń ómir súrýiniń aýyr jaǵdaılaryn tirkedi.
«Halyqqa kómek» partııalyq jobasy aıasynda «Nur Otan» partııasynyń múshesi, kásipker Ǵabıt Mamatraıymov kómek surap kelgen áıeldiń 5 mln teńgege jýyq nesıesin tolyq ótep, áıeldiń jalǵa alyp otyrǵan úıiniń páteraqysyn 2 jylǵa artyǵymen tólegen.
«Pandemııa kezindegi kúrdeli ekonomıkalyq jaǵdaıǵa qaramastan bizdiń otbasymyzdyń qarjylyq jáne turǵyn úı problemalaryn sheshý úshin aqsha tapqan Almaty qalasynyń nurotandyqtaryna, ákimdik qyzmetkerlerine jáne kásipkerge shynaıy rızashylyǵymdy bildiremin», dedi kópbalaly ana.
Aıta ketý kerek, jyl basynan beri Almaty qalalyq partııa fılıalynyń qoǵamdyq qabyldaý bólmelerinde qala jáne aýdan ákimderi men ákim orynbasarlarynyń, Májilis jáne máslıhat depýtattarynyń, jergilikti atqarýshy jáne quqyq qorǵaý organdary basshylarynyń, sondaı-aq zańgerler men advokattardyń qatysýymen 283 azamat qabyldaýda boldy. Barlyǵy 2100-den astam ótinish tústi. Olardyń 43%-y oń sheshimin tapty, 53%-y tegin konsýltasııalyq, quqyqtyq jáne ózge de kómek kórsetti, 4%-y oryndalyp jatyr.
