Ortalyq kópbalaly otbasylarǵa zańgerlik, psıhologııalyq jáne áleýmettik kómek kórsetedi. Sondaı-aq, densaýlyq saqtaý, bilim berý, jumysqa ornalastyrý, kásipkerlik, turǵyn úı baǵdarlamalaryn iske asyrý máseleleri boıynsha tegin konsýltasııalyq qyzmet kórsetedi. Atap aıtqanda, ortalyqta kásipkerlik bastamalardy qoldaıdy, bıznes-josparlardy ázirleý men súıemeldeýge qoldaý kórsetedi, sonymen qatar óz óndirisiniń taýarlaryn satý jáne IT salasyndaǵy marketologııany úıretedi.
«Jumysqa 10 kópbalaly ana jaldaımyz, olardyń arasynda zańgerler, psıhologtar, áleýmettanýshylar men konsýltanttar bar. Bizdiń ortalyq tegin keńester berip, memlekettik baǵdarlamalardy túsindirip, qaıyrymdylyq qoldaý kórsetedi. Bul memlekettik baǵdarlama arqyly júzege asyrylatyn úsh jyldyq joba. Qaraǵandyda 7 myńnan astam kópbalaly otbasy bar, «Altyn alqa» jáne «Kúmis alqa» ıegerleri sanatynda 2 myńnan astam ana bar. Biz tek keńes berip qana qoımaı, máseleniń túpkilikti sebebin taldaımyz, zańnamany jetildirý boıynsha zań jobasyn ázirleımiz jáne olardy Úkimetke usynatyn bolamyz», dedi kópbalaly otbasylardy qoldaý ortalyǵynyń dırektory Lázzat Qojahmetova.
Sondaı-aq onyń aıtýynsha kópbalaly otbasylarǵa qıyn ómirlik jaǵdaıdan shyǵý úshin matıaldyq ta, moraldyq ta kómek kórsetiledi.
Analar keńes alyp jatqanda, balalardy arnaıy oıyn bólmesine qaldyrýǵa bolady.
