«QazAvtojol» basqarma tóraǵasynyń aıtýynsha, buǵan deıin nysandy salǵan kompanııa óz mindetin tolyq atqara almaǵan. Sol sebepti kelisimshart buzylǵan. Keıin shuǵyl túrde konkýrs ótkizilip, jolaıryq qurylysyn jalǵastyratyn jańa basshy taǵaıyndaldy.
«Birinshi «DáýletStroı» kompanııasymen kelisim 2017 jyly jasaldy. Atalǵan kompanııa jolaıryq qurylysyn tolyǵymen bitirip 2020 jyly tapsyrý kerek edi. Biraq nysandar ýaqytyly buzylmaǵandyqtan jáne pandemııaǵa baılanysty qurylys merziminde aıaqtalǵan joq. Jasalǵan kelisimshart olardyń mindettemelerin tolyq oryndamaýyna baılanysty buzyldy. 30 sáýirde jańa merdigermen kelisimshartqa qol qoıyldy. Ol «SınoMınoStroı» kompanııasy. Osy jobany aıaqtaýǵa atsalysady. Qurylysty bıylǵy jyldyń qazanynda aıaqtaýdy josparlap otyrmyz», dedi Maratuly.
Aıta keteıik, 22 sáýirde Asqar Maratuly «QazAvtojol» UK AQ basqarma tóraǵasy bolyp taǵaıyndalǵan bolatyn. Odan buryn basshy bolǵan Ulan Álipov Memleket basshysynyń synynan keıin qyzmetinen bosatylǵan edi.
