Halyqty vaksınasııalaýmen barynsha qamtamasyz etý úshin 1 myńnan astam egý pýnkti ashyldy jáne 400 jyljymaly/kóshpeli egý pýnktteri iske qosyldy. Jappaı vaksınasııalaýǵa 11 myńǵa jýyq medısına qyzmetkeri tartylǵan. Vaksınasııa eldegi epıdemıologııalyq jaǵdaıdy turaqtandyrýǵa múmkindik beredi.
Ol halyqtyń ımmýnoprofılaktıkasy úshin e-gov mobile «Vaksınasııa» servısin, sms-habarlamalardy, jeke kabınetti paıdalaný, sondaı-aq «Sıfrlyq qujattar» servısinde vaksınasııa pasportyn engizý arqyly IT-tehnologııalardyń múmkindikteri keńinen paıdalanylatynyn aıtty.
Bolashaqta vaksınasııa pasportyn qoldaný keńeıtiledi. Vaksınasııalaý júrgizý týraly derekter elektrondyq formatta ornalastyrylady. Bul vaksınalanǵandardyń sanyn esepke alýǵa jáne vaksınasııa kólemin josparlaý jáne syrqattanýshylyqty boljaý úshin bolashaqta halyqtyń ımmýndyq mártebesin qadaǵalaýǵa múmkindik beredi.
«Vaksınasııa pasporty mynadaı derekterdi qamtıdy: adam qandaı preparattar aldy, qandaı dozalarda, qandaı kúnderde, qujatty talap etý orny boıynsha kórsetýge jáne QR-kodtyń kómegimen qoljetimdilikti ashýǵa múmkindik beredi. Vaksınasııa pasporty vaksınanyń 2 komponentin alǵannan keıin beriledi», dedi Soı kópshiliktiń qyzyǵýshylyǵyn týdyrǵan suraqqa.
Vaksınasııa pasportyn biriktirý úshin IATA halyqaralyq áýe kóligi qaýymdastyǵymen yntymaqtastyq máselesi qarastyrylýda. Al 2021 jyldyń 1 shildesinen bastap vaksınasııa pasportyn «Ashyq» qosymshasymen biriktirý júzege asyrylady.
«Shekteý sharalary men bıznes jumysy arasyndaǵy teńgerimdi ornatý maqsatynda 2021 jyldyń qańtarynda «Ashyq» mobıldi qosymshasyn engizý boıynsha pılotty iske asyrý bastaldy. Bul qosymsha respýblıkanyń barlyq óńirlerine aýqymdandyrylǵan, bul onyń qatysýshylaryna shekteý sharalary rejıminde jumys isteýge múmkindik berdi. «Ashyq» densaýlyq jáne sulýlyq, kólik, mádenıet, qoǵamdyq tamaqtaný, oıyn-saýyq obektilerinde, iri ónerkásiptik kásiporyndarda, bankterde, HQKO men JOO-da júzege asyrylady», dedi mınıstr.
Vaksınasııa pasportymen qatar jylý kartalary engiziledi. Bul telekommýnıkasııalyq derekter bazasynda pandemııa kezeńinde qalanyń belsendiligin taldaý júıesi. Jylý kartalary turǵyndardyń shoǵyrlaný oryndaryn, shuǵyl qyzmetterge qońyraý shalý oryndaryn, oblystyq kóshi-qon aǵyndaryn anyqtaýǵa múmkindik beredi. Jylý kartalaryn paıdalaný boıynsha pılottyq joba Almaty qalasynda iske asyrylýda.
