Qurmetti dostar!
Barshańyzdy Qazaqstan halqynyń birligi kúnimen shyn júrekten quttyqtaımyn!
Elbasymyzdyń bastamasymen ómirge kelgen bul kún – tatýlyq pen dostyqty dáripteıtin jáne yrys pen yntymaqty eseleıtin erekshe meıram. Biz beıbitshilik pen kelisimdi, tynyshtyq pen turaqtylyqty nyǵaıtý arqyly búkil álemge eldiktiń eren úlgisin kórsettik. Sonyń arqasynda Táýelsizdik tuǵyryn bıiktetip, tolaǵaı tabystarǵa qol jetkizdik.
Qazirgi tańda Memleket basshysy osy sabaqtastyqty saqtaı otyryp, barsha qazaqstandyqty ortaq maqsat pen múdde jolynda jumyldyrýǵa basa mán berip keledi. Bul búgingideı kúrdeli kezeńde asa mańyzdy. Sondyqtan bereke-birligimizdi arttyrý bárimizdiń abyroıly mindetimiz bolýǵa tıis. Sol arqyly barlyq syn-qaterge tótep berip, Prezıdentimizdiń jańǵyrý baǵdaryn tabysty iske asyramyz.
Birlik kúnimen quttyqtaı otyryp, sizderge zor densaýlyq jáne amandyq tileımin! Elimizdiń erteńi jarqyn, keleshegi kemel bolsyn! Qazaq eli máńgi jasaı bersin!
