«Bıyl 100-den astam kósheni salyp, jóndeımiz. О́tken jyldaǵydaı, qalanyń eski bóligi men eldi mekenderge basa nazar aýdaramyz.
Búgin birqatar kóshelerdegi jol jumystarynyń barysymen tanystym. Mysaly, Iý.Malahov kóshesinde (R.Dúısenbaev kóshesinen Sýsamyr kóshesine deıin), Kosmonavtov kóshesinde (Qabanbaı batyr dańǵylynan Araı kóshesine deıin), M.Tólebaev kóshesinde (B.Momyshuly dańǵylynan R.Qoshqarbaev dańǵylyna deıin), M.Gorkıı kóshesinde (J.Jabaev kóshesinen T.Musabaev kóshesine deıin) jáne t. b. aǵymdaǵy jóndeý jumystary júrgizilip jatyr. Sonymen birge taǵy 37 kóshede aǵymdaǵy jóndeý jumystary júrgizildi. Sırk ǵımaratynyń aınalasynda joldyń ortasha jóndeýi aıaqtaldy. Ol boıynsha birneshe ret ótinishter kelip tústi», dep jazdy qala ákimi.
Onyń aıtýynsha, ótken jyly 170-ten astam kósheni, sonyń ishinde qalanyń eldi mekenderindegi kósheler jóndeldi. «Jumyspen qamtýdyń jol kartasy» baǵdarlamasy boıynsha jóndeý jumystaryn júrgizý salasynda 4 myńnan astam jumysqa tartyldy.
