Sondaı-aq Eýropanyń birqatar elderi jaqyn ýaqytta týrıst qabyldaýǵa daıyndalyp jatqanyn jetkizdi.
Atap aıtqanda, Grekııada dúısenbiden bastap meıramhanalar, barlar men dámhanalar ashyq bolady. Olar qonaqtarǵa tek jazǵy alańdarda 22:45-ke deıin qyzmet ete alady. Komendanttyq saǵattyń bastalý ýaqyty 22:00-den 23:00-ge aýysady. El birtindep jazǵy týrıstik maýsymnyń bastalýyna daıyndalyp jatyr. Sáýirde «jasyl aımaq» elderinen kelgen saıahatshylar úshin mindetti karantın alynyp tastaldy.
Italııada da jaǵdaı turaqtalyp keledi. Kóptegen týrıstik aımaqtarda, mysaly Venesııada, tamaqtaný oryndaryna qonaqtardy syrtqy alańǵa otyrǵyzýǵa ruqsat etildi, biraq 1 maýsymǵa deıin jabyq ǵımaratqa kirýge bolmaıdy. Dál osy aıda el bıligi sheteldik saıahatshylar úshin shekarany ashýǵa ýáde berdi.
Sonymen qatar Estonııada da 3 mamyrdan bastap meıramhanalar men dámhanalarǵa taza aýada qyzmet kórsetýge múmkindik berdi. Týrıster qaıtadan galereıalarǵa, kórme zaldaryna, mýzeıge kire alady.
