Italııada alǵashqy vaksınalaý men revaksınalaý arasyndaǵy úzilisti arttyrý týraly norma bekitildi. Endi dozalar arasyndaǵy merzim 21 jáne 28 emes, 42 kúndi quraıdy. Bul Pfizer jáne Moderna vaksınalaryna qatysty belgilengen. El bıliginiń aıtýynsha, komponentterdi engizý arasyndaǵy ýaqytty eki ese uzartý birinshi kezeńde ekpemen biraz adamdy qamtýǵa múmkindik beredi. Apennın túbeginde vaksınany jetkizý boıynsha máseleler áli de bar.
Italııada aǵymdaǵy jyldyń qańtarynda birinshi kezekte dárigerler, qarttar men qarttar úıiniń qyzmetkerleri vaksına qabyldaı bastady. Jappaı ekpe salý tegin jáne erikti túrde júrgizilýde, dese de el bıligi otandastaryna vaksınasııa jasaýǵa keńes beredi. Sebebi egý naýqany josparlaǵannan baıaý júrýde. Negizgi sebepterdiń biri — vaksınalardy jetkizýdegi irkilister.
2021 jyldyń sońyna deıin Italııa halqynyń 90%-yn egý josparlanǵan. Sáýir aıynyń ortasyndaǵy málimetterge sáıkes, Italııada «koronavırýstyq pnevmonııa» dıagnozy rastalǵan 110 myńnan astam adam kóz jumdy.
El ǵalymdary men saıasatkerleriniń bastamasymen reseılik «Spýtnık V» vaksınasyn satyp alý máselesi talqylanýda, sondaı-aq ony Italııada óndirý kózdelýde.
Ispanııa eli de AstraZeneca vaksınasynyń dozalary arasyndaǵy aralyqty edáýir arttyrdy. 60 jasqa deıingi adamdar úshin tórt jáne 12 aptadan 16 aptaǵa deıin uzartty dep habarlaıdy Reuters.
Ispanııa Eýroodaq memleketteri arasynda 2 komponentti engizý arasyndaǵy ýaqytty 12 aptadan asa ýaqytqa sozǵan birinshi el.
Densaýlyq saqtaý mınıstrligi ruqsattyń áreket etý merzimin uzartý vaksınany qoldanýdyń eń qaýipsiz ádisin anyqtaýǵa múmkindik beretindigin málimdedi. Bastapqyda AstraZeneca preparaty 18-65 jas aralyǵyndaǵy jumysshylarǵa salyndy, jas adamdarda qan uıyp qalý qaýpiniń týyndaýyna baılanysty vaksına tek 60 jastan asqan adamdarǵa salýǵa ruqsat etildi. Bıliktiń mundaı qadamy birinshi dozany alǵan keı jastardyń ekinshi dozany alý múmkindigin joǵaltýyna ákeldi.
