Jeńis kúniniń qarsańynda bárine de oblystyq bıýdjetten 1 mln teńgeden syılyq beriledi. Sonymen qatar árqaısynyń úıiniń aldyna baryp, patrıottyq ánder oryndalyp, qarttardyń kóńilderin kóteretin bolady. Osyǵan deıin oblystyq «Qyzyljar» telearnasy árbir ardagerge arnap rolık túsirgen. Olar osy kúnderi kórsetilip jatyr. Qazir ardagerlerdiń eń úlkeniniń jasy 101-de, al «eń jasy» 95-te.
Oblysty Tyl eńbekkerleriniń sany 5600 adam. Olarǵa laıyqty syı-sııapat jasalatyn bolady. Bulardyń kóbi soǵys jyldarynda 16-17 saǵattan jumys istegen jasóspirimder. Sonyń ishinde orden-medal alǵandarynyń sany – 136. Olardyń árqaısyna azyq-túlik paketi jáne 30 myń teńgeden bir mezgildik kómek beriledi.
