Senat depýtattary sapar aıasynda «Jańa Ketik» turǵyn úı alabynda osy jyldyń sońyna paıdalanýǵa beriletin jol qurylysynyń jumysyna kýá boldy. Bul jobanyń mańyzdylyǵyn eskere otyryp, senatorlar avtojol qurylysyn salýshylardy jumysty sapaly jasaýǵa jáne ony ýaqytynda aıaqtaýǵa shaqyrdy.
«Qazirgi kezde avtomobıl joldarynyń sapasyna qandaı kóńil bólinetinin kórip otyrsyz. Bul máseleni Prezıdent Qasym-Jomart Toqaev qatań baqylaýǵa aldy. Munda qurylys qarqyny jaqsy. Ony saqtaı otyryp, avtojoldy ýaqytynda paıdalanýǵa berý asa mańyzdy. Bul jergilikti turǵyndardyń ómirin aıtarlyqtaı jeńildetedi», dedi Baqtybaı Shelpekov.
Sonymen qatar senatorlar birqatar ınfraqurylymdyq nysandardy aralady. Olardyń qatarynda turǵyndardy sapaly aýyz sýmen qamtamasyz etetin sý tushytatyn qondyrǵy bar, sondaı-aq «Jumyspen qamtýdyń jol kartasy» baǵdarlamasy aıasynda jóndeýden ótken jaǵalaý bar.
