Bıylǵy «Tumar» V ulttyq televızııalyq syılyǵynyń nomınanttarynyń short-paraǵyna 40 fınalıst endi. Syılyq alýǵa 10 nomınasııa boıynsha 250 jumys usynyldy, onyń ishinde 88-i qazaq tilinde jáne 162-si orys tilinde.
Eń kóp ótinim «Úzdik derekti fılm» – 42, «Úzdik telejýrnalıst» – 40, «Úzdik telejúrgizýshi» – 38 jáne «Úzdik rejısserlik jumys» – 31 nomınasııalary boıynsha kelip tústi.
Aıta keteıik, syılyqqa 2020 jyly qazaqstandyq telearnalardyń efırinde shyqqan televızııalyq jobalar qatystyryldy. Syılyq jeńimpazdary qazaqstandyq televızııany damytýǵa qosqan úlesi úshin 1 mıllıon teńge kóleminde aqshalaı syıaqy jáne «Tumar» músinshesiniń ıegeri bolady.
«Tumar» – televızııalyq sheberlik salasyndaǵy joǵary jetistikteri úshin Ulttyq televızııalyq báıgesi 2017 jyly Qazaqstan Respýblıkasy Aqparat jáne qoǵamdyq damý mınıstrliginiń bastamasymen qurylǵan. Osy jyldar ishinde otandyq televızııalyq jýrnalıstıkanyń 48 mamany eksklıýzıvti músinshege ıe boldy.
