Kezdesý barysynda balalardyń quqyqtaryn saqtaý jáne olardy ata-analar men ýákiletti memlekettik organdar tarapynan qorǵaý máseleleri talqylandy.
Senator sondaı-aq elimiz Prezıdenti Qasym-Jomart Toqaevtyń aǵymdaǵy jylǵy qańtarda VII saılanǵan Parlament sessııasynyń ashylýynda bergen tapsyrmalaryn iske asyrý maqsatynda depýtattar bastamasymen ázirlengen balalar quqyqtaryn qorǵaý týraly zań jobasy qazirgi kezde Parlamentte talqylanyp jatqany jaıynda kezdesýge qatysýshylardy habardar etti.
«Balalar bizdiń bolashaǵymyz. Bizdiń basty mindetimiz – olardyń daýystaryn estý, olardyń aıtqanyna den qoıý. Memlekettik organdar balalardyń quqyqtaryn qorǵaýǵa jáne ony basqalardan talap etýge mindetti», dedi Dana Nurjigitova.
Senator halyqtyń áleýmettik osal toptary qataryndaǵy balalar men qandastar balalarynyń quqyqtaryn qorǵaý problemalaryna erekshe nazar aýdardy. Atap aıtqanda, kezdesýde balalardy qujattamalyq qamtamasyz etý jáne olardyń bilim alý quqyqtaryn iske asyrý máseleleri kóterildi.
Dana Nurjigitova sonymen qatar Esik gýmanıtarlyq-ekonomıkalyq kolledji men otbasy úlgisindegi balalar úıinde bolyp, osy mekemelerdiń oqytýshylar quramymen jáne tárbıeshilerimen kezdesti. Kezdesý barysynda onlaın-bilim berý sapasy, balalardyń psıhologııalyq jaǵdaıy jáne oqytýshylar men tárbıeshilerdi áleýmettik qoldaý máseleleri kóterildi.
