Eldiń mınıstrler keńesiniń tóraǵasy Marıo Dragıdiń aıtýynsha, EO biryńǵaı «elektrondy jasyl tólqujat» qabyldaǵanǵa deıin, 15 mamyrdan bastap týrıster ulttyq «jasyl tólqujat» arqyly el ishinde saıahat jasaı alady. Ony vaksınalaý týraly anyqtama, COVID-19-ǵa teris test bolǵan kezde nemese buryn ınfeksııa juqtyryp, aýrýdan jazylǵan jaǵdaıda alýǵa bolady.
Italııa bıligi COVID-19 saldarynan engizilgen shekteýlerdi kezeń-kezeńimen alyp tastap jatyr, óıtkeni týrızm ındýstrııasy el ekonomıkasy úshin mańyzdy ról atqarady. Aldymen ashyq alańy barlar men meıramhanalardyń jumysyn qalpyna keltirý, sodan keıin mýzeıler, teatrlar men kınoteatrlardy ashý josparlanyp otyr.
