Bul týraly Senat tóraǵasy áleýmettik jelidegi paraqshasynda jazdy.
Qurmetti dostar!
Sońǵy tapsyrǵan eki PTR synamasynyń nátıjesi oıdaǵydaı bolyp, indetten jazylyp shyqtym. Soǵan baılanysty eki aptaǵa jalǵasqan karantınnen keıin búgin qaıtadan qalypty jumys formatyna kóshkenimdi habarlaımyn.
Jalpy, osy ýaqyttyń ishinde boıymda aýrýdyń eshqandaı belgileri baıqalǵan joq. Sondyqtan jumysymdy toqtatpaı, qashyqtan atqaryp otyrdym.
Osy rette jyly lebizderińizben qoldaý kórsetip, tezirek saýyǵyp ketýime tilektestik bildirgen barshańyzǵa alǵysymdy jetkizgim keledi. Men úshin munyń mańyzy zor.
Aldymyzda eldik múdde jolynda atqaratyn áli talaı aýqymdy mindetter tur. Solardy iske asyrý kezinde de ózderińizben únemi baılanysty bolamyz dep senemin.
О́kinishke qaraı pandemııa qaýpi áli seıilgen joq. Sondyqtan saqtyq sharalaryn ustanyp, medısına qyzmetkerleri men mamandardyń usynymdaryn barynsha oryndaýymyz kerek. Bul – ózimizben birge týǵan-týystarymyz úshin de asa mańyzdy.
Barshańyzǵa zor densaýlyq tileımin! Aman bolyńyzdar.
