Onyń ishinde vaksınanyń 1-komponentin 128 myń 700, 2-komponentin 52 myńnan astam adam aldy.
Qazirgi ýaqytta vaksınasııa pýnkteri medısınalyq uıymdarda, saýda keshenderinde ashylǵan. Osylaısha, egý kabınetteriniń sany jyljymaly brıgadalar arqyly úsh ese ulǵaıtyldy.
Qala boıynsha saýda ortalyqtary men saýda keshenderindegi pýnkter sany — 9. Olar «Mega Silk Way», «Keruen», «Han Shatyr» jáne «Abý-Dabı Plaza» saýda, oıyn-saýyq ortalyqtary, «Azııa Park» jáne «Bıg Shanhaı» saýda keshenderi, Ortalyq bazar, «Álem» jáne «Astanalyq»saýda ortalyqtary. Atalǵan egý aımaqtarynda shamamen 14 000 azamat vaksınalandy.
Vaksınasııa pýnkteriniń keńeıýine baılanysty medısınalyq-sanıtarlyq alǵashqy kómek (MSAK) uıymdarynyń jumys ýaqyty saǵat 8:00-den 22:00-ge deıin qysqartyldy, SOO úshin jumys tártibi ózgerissiz qalady — saǵat 10:00-den 22:00-ge deıin.
Sondaı-aq qalalyq MSAK uıymdaryna QazVac otandyq vaksınasynyń qalǵan dozalary taratyldy. Bul dozalar birinshi kezeńde alǵan azamattardyń jartysyn vaksınalaýǵa arnalǵan.
Eske sala keteıik, sáýir aıynyń sońynda elordaǵa 6 myń qazaqstandyq preparat kelip túsken bolatyn.
Azamattardy egý úshin reseılik «Spýtnık» vaksınasynyń 90 myńnan astam dozasy bar.
Qytaıdan jetkizilgen 7 400 vaksınanyń qazir 6 700-ge jýyq dozasy bar. Qoǵamdyq densaýlyq saqtaý basqarmasynyń málimetinshe, jaqynda basqarma qoımalaryna Sinofarm Hayat-Vak vaksınasynyń taǵy 7 400 dozasy kelip tústi.
Preparattardyń dozalaryn jetkizý kestege sáıkes, sondaı-aq «SQ-Farmasııa» jáne QR DSM tártibi boıynsha júzege asyrylady.
