Osy jyldyń 9 mamyrynda Kegen aýdanynyń PB-ne 63 jastaǵy Almaty qalasy turǵynynyń Kegen aýdany Saty aýylyna qarasty jerde zańsyz ańshylyq jasaǵandyǵy týraly habarlama túsken.
Atalǵan derek QR QK 337-babynyń 1-bóligi boıynsha tirkeldi.
«Almaty qalasynyń turǵynynan ańshylyq myltyǵy, ańnyń etine aq tústi úsh dana qapqa salynǵan et zattaı dáleldeme retinde alyndy. Jáne onyń júrgizýindegi «Toyota Tacoma» markaly avtokóligi aıyp turaǵyna qoıyldy. Qorǵalýǵa quqyǵy bar kýádan jaýap alý barysynda ol óz kinásin tolyq moıyndap, óziniń atalǵan myltyǵymen bir bas maral ańyn atyp, soıyp alǵanyn aıtty. Tárkilengen zattyq aıǵaqtar saraptamaǵa jiberildi. О́zge aqparat tergeý qupııalylyǵyna baılanysty jarııa etilmeıdi», dedi Kegen APB bastyǵy Erlik Stamshalov.
Qazirgi ýaqytta tergep-tekserý jumystary júrgizilýde.
.
