«11 mamyrdan bastap kóliktegi bas sanıtarlyq dárigerdiń qaýlysymen «Ashyq» jobasyna qatysatyn áýejaılardy qospaǵanda, qyzyl aımaqta ornalasqan shyǵaryp salýshylar men qarsy alýshylardyń áýejaı ǵımarattaryna kirýin shekteý boıynsha talaptar qoıyldy», dedi vıse-mınıstr.
12 mamyrdan bastap Nur-Sultan qalasynyń áýejaıy osy jobaǵa qosyldy. Shyǵaryp salatyn jáne qarsy alatyn jolaýshylar áýejaı ǵımaratyna qosymshanyń kómegimen ótedi.
«Áýejaıdaǵy «Ashyq» jobasy az ýaqyttyń ishinde óziniń tıimdiligin kórsetti. Mártebesi qyzyl – 8, mártebesi sary – 9 jolaýshy anyqtaldy. Bul adamdardyń indet juqtyrǵanyn, aýyryp júrgenin bile tura, áýejaıǵa kelip, Qazaqstan boıynsha júrýge tyrysatynyn kórsetedi. Sonymen qatar 21 mamyrdan bastap «Ashyq» jobasy Almaty qalasynyń áýejaıynda engiziledi», dedi Sıfrlyq damý, ınnovasııalar jáne aeroǵarysh ónerkásibi vıse-mınıstri Áset Turysov.
