Jábirlenýshiniń fotosýreti áleýmettik jelide tarap jatyr. Atalǵan oqıǵa Boraldaı aýylyndaǵy Saharnyı aıaldamasynda keshki ýaqytta bolǵan.
Kámeletke tolmaǵan qyzdyń anasy oqıǵany kórgen kýágerlerdiń az emestigin aıtady. Qazirgi tańda kýágerler izdestirilip jatyr.
Almaty oblysynyń polısııa departamenti oqıǵa 13 mamyr kúni keshki saǵat 18.35 shamasynda Boraldaı aýylyndaǵy Kosmonavttar kóshesindegi aıaldamada bolǵanyn habarlady.
«Aldyn ala málimetter boıynsha, janjal saldarynan eki áıel kámeletke tolmaǵan qyzdy uryp tastaǵan, sodan keıin olar qylmys bolǵan jerden taksımen qashyp ketken. 16 jastaǵy jábirlenýshi №1 qalalyq balalar aýrýhanasyna jetkizildi. Kúdiktilerdiń turǵylyqty jerin anyqtaý jáne olardy odan ári ustaý boıynsha jedel izdestirý sharalary júrgizilýde», deıdi tártip saqshylary.
