QR Qylmystyq kodeksine sáıkes «Ertis» FK burynǵy dırektory Serik Omarhanov memlekettik kiris organdaryna qate málimetteri bar salyq deklarasııasyn tapsyryp, sol arqyly memleketke shyǵyn keltirgen. Shyǵyn mólsheri - 193 939 013 teńge.
«Sot Qylmystyq kodekstiń 118, 383, 387-393, 395-398, 401, 402 baptaryna súıene Serik Qorǵanbaıuly Omarhanovty QR Qylmystyq kodekisiniń 245-baby 1-tarmaǵy boıynsha kináli dep taýyp, úsh jyl boıy qarjylyq jáne kommersııalyq qurylymda laýazymdardy ıelený quqyǵyn aıyra mınımaldy qaýipsizdigi bar qylmystyq atqarý júıeside bir jyl merzimge bas bostandyǵynan aıyrý túrinde jaza taǵaıyndaý týraly úkim shyǵardy», dep málimdedi Pavlodar qalalyq soty.
Esterińizge sala keteıik, fýtboldan Qazaqstannyń bes dúrkin chempıony (1993, 1997, 1999, 2002, 2003) jáne Kýbok ıegeri (1997/98) pavlodarlyq «Ertis» komandasy qarjylyq qıyndyqqa baılanysty byltyrǵy maýsymdy orta joldan aıaqtaýǵa májbúr boldy.
