Qýat Tumabaev 22 sáýirde Saýda jáne ıntegrasııa mınıstrliginde eksportty ilgeriletý bóliminiń basshysy qyzmetine taǵaıyndalǵan bolatyn.
Buǵan deıin parlament Májilisiniń depýtaty, Nur Otan partııalyq baqylaý komıtetiniń tóraǵasy Artýr Platonov eks-ákimniń jańa laýazymǵa taǵaıyndalýy Nur Otan partııasynyń «Ar-namys» kodeksine qaıshy keletinin aıtyp, qyzmetinen bosatýdy usynǵan bolatyn.
Oǵan sebep, 2018 jyldyń 15 sáýirinde Rıdder qalasynda 18 jasar jaıaý júrginshiniń ólimine alyp kelgen jol-kólik oqıǵasyna Qýat Tumabaevtyń qatysy bar ekeni aıtylǵan. Iаǵnı ol bozbalany qaqqan júrgizýshiniń janynda otyryp, keıin basqa kólikpen ketip qalǵan.
Adam ólimimen aıaqtalǵan jol apatynan keıin eks-ákim memlekettik qyzmetke qaıta oralǵan.
