Aldymen «Ashyq» qosymshasyn uıaly telefonǵa nemese planshetke júktep alýyńyz kerek. Ary qaraı tekserý úshin ınternetke kire alatyn taǵy bir qurylǵy qajet bolady. Ol qurylǵy arqyly ashyq.kz saıtyna kirip, QR kodyn smartfonyńyzdaǵy «Ashyq» qosymshasy arqyly skanerleý qajet. Osydan keıin baryp tekserýshiniń statýsy kórsetiledi.
Mundaı servıs «Ashyq» jobasyna qatysatyn nysandarǵa barý úshin qajet. Statýs aqparattyq júıelermen salystyrý negizinde PTR-zertteýlerdiń biryńǵaı ıntegrasııalyq portaly jáne QR DSM COVID-19 baqylaý ortalyǵy arqyly beriledi.
«Ashyq» jobasy boıynsha jumys bastalǵannan beri Nur-Cultan qalasyndaǵy 618 kásipkerlik nysan tirkelgen. Búginde elorda boıynsha «Ashyq» jobasyna qatysatyn kásipkerlik nysandarynda úı karantınin buzǵan 1954 kelýshi anyqtaldy (juqtyrǵandar, «qyzyl» statýsy bar – 875 kelýshi, jaqyn baılanysta bolǵandar, «sary» mártebesi bar – 1079 kelýshi). Oqshaýlaý rejımin buzǵan kelýshilerge úı karantınin saqtaý jóninde túsindirý jumystary júrgiziledi.
«Ashyq» jobasyn engizý koronavırýstyq ınfeksııanyń taralýyn azaıtýǵa múmkindik beredi, sondaı-aq shekteý is-sharalaryn engizý kezeńinde kásipkerlik nysandaryna qoldaý kórsetedi.
