Aımaqtar • 20 Mamyr, 2021

Zańsyz júrgen 58 mıgrant anyqtaldy

33 ret kórsetildi

Almaty oblysynda kóshi-qon zańnamasyn buzǵany úshin 58 sheteldik jaýapkershilikke tartyldy, dep habarlaıdy Egemen.kz.

Almaty oblysy PD polısııasy mıgranttar júretin jerlerde kóshi-qon zańnamasyn buzǵandardy anyqtaý boıynsha sharalar ótkizdi.

«Bıyl Taldyqorǵan PB aýmaǵynda birneshe ret jedel-aldyn alý sharalary júrgizildi. Maqsaty – zańsyz kóshi-qon arnalary jolyn kesý, el aýmaǵynda bolý rejımin buzatyn jáne eńbek qyzmetin zańsyz júzege asyratyn shetel azamattaryn anyqtaý, sondaı-aq shetel azamatynyń eńbegin paıdalanatyn jumys berýshiler qyzmetine baqylaý jasaý», dedi Almaty oblysy PD bastyǵynyń mindetin atqarýshy polısııa polkovnıgi Elmurat Nurseıitov.

Qabyldaý-bólý ornyna 32 adam jetkizildi, jeke basyn kýálandyratyn qujattary jáne belgili bir turǵylyqty jeri joq 11 adam qamaýǵa alyndy.

«Jedel aldyn alý sharasy kezinde Qazaqstan Respýblıkasynyń ákimshilik zańnamasyn 152 ret buzý deregi anyqtaldy. 131 tulǵa ákimshilik jaýapkershilikke tartyldy, onyń 58-i sheteldik», dedi polısııa polkovnıgi Nurseıitov

Sońǵy jańalyqtar

Uqsas jańalyqtar