Oqıǵa 19 mamyr kúni bolǵan. Tártip buzǵan adam áýejaı ǵımaratyna «Ashyq» júıesi arqyly kirýden bas tartqan. Áýejaıǵa ol jolaýshyny kútip alý úshin kelgen.
«Ol «Ashyq» arqyly tekserýden ótpesten ǵımaratqa kirgisi keldi. Biraq ony avıasııalyq qaýipsizdik qyzmetkeri toqtatty. Er adam maska taqpaǵan jáne qyzmetkerge qol kótergen. Keıin ol qymbat jol talǵamaıtyn kóligine otyryp qashyp ketti. Áýejaı qyzmetkerleri jelilik polısııa bólimine aryz túsirdi. Kóp uzamaı tártip buzýshy tabyldy», dedi áýejaı baspasóz qyzmetiniń ókili Ánýar Shalekenov.
Er adam usaq buzaqylyq jasaǵany úshin ákimshilik jaýapkershilikke tartylatyny aıtyldy.
Áýejaı baspasóz qyzmeti kútip alýshylarǵa, shyǵaryp salýshylarǵa jáne barlyq jolaýshyǵa ǵımaratqa kirý tek «Ashyq» qosymshasy arqyly júzege asyrylatynyn eskertti.
