Oqıǵa • 20 Mamyr, 2021

Almaty oblysynda jol apatynan bir adam qaıtys boldy

37 ret kórsetildi

Almaty oblysynda jol-kólik apatynan 30 jastaǵy jolaýshy áıel oqıǵa ornynda mert boldy. Onyń 4 jasar qyzy túrli dene jaraqatymen Almaty qalasyndaǵy aýrýhanaǵa jetkizildi, dep habarlaıdy Egemen.kz.

Almaty oblystyq polısııa departamenti baspasóz qyzmetiniń málimetinshe, oqıǵa 19 mamyr kúni túngi saǵat 22:05 shamasynda bolǵan.

Aldyn ala boljam boıynsha, Talǵar aýdanynyń «Jalǵamys-Tóńkeris» jolynda «Daewoo Espero» avtokóliginiń 36 jastaǵy júrgizýshisi qarsy baǵytqa shyǵyp ketken. Saldarynan «Mitsubishi Galant» kóligine soǵylǵan.

«Oqıǵa ornynda «Daewoo Espero» kóliginiń 30 jastaǵy jolaýshysy mert boldy. Onyń 4 jastaǵy qyzy Almaty qalasyndaǵy aýrýhanaǵa jetkizildi. Sondaı-aq osy kólikte bolǵan 31jastaǵy jáne ekinshi kóliktiń 53 jastaǵy jolaýshysy túrli dene jaraqatymen О́tegen batyr aýylyndaǵy aýrýhanaǵa tústi», delingen vedomstvonyń habarlamasynda.

Qazir atalǵan faktige sáıkes QR QK 345 baby 3 bóligi boıynsha sotqa deıingi tergeý júrip jatyr. Qajetti saraptamalar taǵaıyndalǵan.

 

 

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar