Bul týraly oblystyq Densaýlyq saqtaý basqarmasynyń baspasóz hatshysy Láılim Áýbákirova málimdedi. Koronavırýsqa qarsy ekpeniń ekinshi komponentin saldyrýǵa kelgen azamatqa dáriger vaksına pasportyna qatysty túsindirý jumystaryn júrgizgen. Alaıda, mamannyń aıtqanyn oryndaǵysy kelmegen pasıent qabyldaý bólmesinde shý shyǵaryp, dárigerge judyryq ala júgirgen.
«21 mamyrda Eskeldi aýdandyq ortalyq aýrýhanasynyń emhanasynda qabyldaý júrgizgen dárigerge shabýyl jasaldy. Vaksına saldyrýǵa kelgen pasıentke vaksına pasportyna qatysty túsindirý jumystaryn júrgizý barysynda pasıent dárigerge dórekilik tanytqan. Dáriger medısınalyq uıymda pasıentke ózin durys ustaýdy eskertken. Alaıda, ol eskertýge qaramastan dárigerge shabýyl jasap, basynan uryp, tunshyqtyra bastaǵan. Dárigerdiń beti pen moıyn tusynan birneshe ret urǵan. Bul oqıǵaǵa qatysty dáriger Eskeldi aýdandyq ishki ister bólimine aryz jazdy», delingen habarlamada.
Basqarmanyń habarlaýynsha, qazir dáriger bas mıynyń shaıqalýy dıagnozymen ambýlatorııalyq em qabyldaýda.
