«Nur-Sultan jáne Almaty áýejaılary Ashyq boıynsha jumys istep jatyr. Qazir osy prosester mysalynda Ashyq-ty basqa nysandarda qoldanýǵa múmkindik bar», dedi Iýlııa Iаkýpbaeva OKQ brıfınginde.
Ol jaqynda «Astana-Arena» stadıonynda kórermen qatysqan fýtbol matchy ótkenin aıtty. Bul karantın shekteýleri bastalǵannan bergi alǵashqy aýqymdy shara. Onda shamamen 6 myń adam jınalǵan, «sary» mártebesi bar bir adam anyqtalǵan.
«Eger prosesti tolyq teńgere alsaq, bul tájirıbeni basqa arenalarǵa tarata alamyz, tipti kelýshilerdi 20-30 paıyzǵa deıin kóbeıtemiz dep úmittenemiz.
Demalys kúnderi bas sanıtarlyq dáriger qaýly shyǵardy, qoldanbaly bıznes úshin jumys isteý edáýir jeńildedi. Ashyq-pen jumys istemeıtin basqa nysandar úshin talaptar ár aımaqta ár túrli bolady. Shymkent, Túrkistan, Aqtaý, Qostanaı áýejaılary kestege sáıkes sanıtarlyq dárigerdiń buıryǵyna engizilgen», dep qosty Iаkýpbaeva.
