IYǴYMYZDY TAQAP, ShYNTAǴYMYZDY SEZINSEK

Sáýirdiń sońǵy kúnderinde Astanadaǵy Beıbitshilik jáne kelisim saraıynda “Eýrazııa: Mádenıetter jáne urpaqtar únqatysýy” atty halyqaralyq forým ótedi. Osy shara aldynda Jýrnalıster odaǵynyń baspasóz klýbynda jýr­na­lısterge arnalyp berilgen baspa­sóz máslıhatynda Jazýshylar oda­ǵynyń tóraǵasy Nurlan Oraza­lın Halyqaralyq Eýrazııa únqatysýy tuǵyrnamasynyń dúnıege kelýi tarıhynan sóz qozǵady. 1998 jyly zııalylardyń bastamasymen quryl­­ǵan bul uıymnyń basty maqsaty – Eýrazııa qurlyǵyndaǵy halyqtar­dyń ózara únqatysýyna qol jetkizip, ulttar men ulttardyń, mádenıetter men mádenıetterdiń arasyn jaqyn­datý, olardyń beıbitshilikte ómir súrýin qamtamasyz etý. Jalpy, kóne órkenıetter toǵy­syn­da tirshilik etken kóptegen halyq­tardyń mol mádenıeti, tilderi men dinderi qatar júrip, álemdik tarıh pen mádenıettiń asyl jaýhar­laryn tizgen Eýrazııa dúnıesin qurdy. Biz osy ún­qa­tysý arqyly bir-birimizben uǵy­nysyp, ıyǵy­myzdy taqap otyryp, shyntaǵy­myz­dy sezingimiz keledi. Osy Jer sharynda birge tirshilik etýdi buıyrt­qan adamzat balasy dinı nanym-senim, saıası kózqarastar, mádenıetter, ıdeologııa qalyptas­tyrǵan qashyqtyqty jaqyndastyrý maqsatynda birlese qımyldap, búkilǵalamdyq úılesimge umtylsaq kerek-ti, degen jazýshy únqatysý aıasynyń jyldan jylǵa keregesin keńeıtip kele jatqanyn aıtty. Senator Ǵarıfolla Esim árbir halyqtyń óz mádenıeti bar, al ha­lyq sol mádenıeti arqyly erekshe­lenip, daralanyp turady. Halyqty halyq qylyp turatyn da sol mádenıet. Al mádenıetter únqaty­sýynda osy daralyqty joıyp al­maı, bir-biriniń mádenıetin qadirleı otyryp únqatysýdyń mańyzy zor, deı kelip, forýmda qozǵalatyn áńgimeniń bir ózegi osy bolatynyn aıtty. Ekinshi másele–urpaqtar arasyndaǵy túsinistik. Aǵa býynnyń qasıettegen qundylyǵy men búgingi jańa myńjyldyqtaǵy óskeleń býynnyń qadirler qasıettisi ne, osy eki arada uǵynysýǵa qalaı jetemiz degen saýal da forýmǵa jınalǵan­dardyń qaperinde bolatynyn aıtqan senator áńgimeniń tereń júretindigi­ne kúmánimiz joq, sebebi, oǵan 16 memlekettiń myqty zııalylary qatysqaly otyr dedi. Eýrazııa únqatysýy tuǵyrnama­synyń eshqandaı ekonomıkalyq maqsat qoımaıtynyn, saıası bir múddege baǵyttalmaǵanyn aıtqan Salıh Akchaı adamzat úshin ultyna, dinine, túrine qaramastan, sol halyq­tyń, sol mádenıettiń bar ekenin uǵynyp, qabyldaý asa mańyz­dy. Sondyqtan bizdiń alǵa qoıǵan maqsatymyz sol mádenıetterdi qoldaýdy, qorǵaýdy júzege asyryp, onyń joǵalyp, joıylyp ketýine jol bermeý, dedi jáne sáýirdiń 28-29-y kúnderi bolatyn forýmǵa qatysýǵa shaqyrdy. Anar TО́LEÝHANQYZY.