Densaýlyq saqtaý basqarmasynyń málimetinshe, 1 aqpannan bastap Qaraǵandy oblysynda 70 189 turǵyn vaksınalanǵan. Al 20 mamyrǵa deıin 149 352 adam ekpeniń birinshi komponentin alypty. Bul tıisti kontıngenttiń 19,1%-yn quraıdy. Onyń ishinde QazVac ekpesin – 1 875 adam, al Sinopharm ekpesin 5 865 adam alǵan. Ekinshi komponentti 80 201 adam aldy, ıaǵnı bul tıisti kontıngenttiń 53,8%-yn quraıdy.
Jalpy, búginge deıin Qaraǵandy oblysynda koronavırýs ınfeksııasyn juqtyrýdyń 28 876 jaǵdaıy tirkelgen, qaıtys bolǵandar tiziminde 341 adam bar. Bul kórsetkishti negizinen 60 jastan asqan jáne sozylmaly aýrýlary bar adamdar quraıdy.
Jýyrda oblystaǵy jumys sapary aıasynda Densaýlyq saqtaý mınıstri Alekseı Soı koronavırýs ınfeksııasymen kúres jónindegi óńirlik shtab otyrysynyń jumysyna qatysty. Atalǵan jıynda óńirde COVID-19 indetimen aýyrýdyń kúrdeli jaǵdaıy saqtalyp otyrǵany sóz boldy. Osy oraıda oblysqa ádistemelik jáne praktıkalyq kómek kórsetý úshin kelgen jumys toby koronavırýs ınfeksııasymen kúresý sharalaryn kúsheıtý boıynsha birqatar mindetti anyqtap, taldaý júrgizdi. Otyrys barysynda alǵashqy medısınalyq-sanıtarlyq kómek uıymdarynyń KVI-men kúres aıasynda qabyldanatyn sharalar boıynsha MASK uıymdarynyń, mýltıdıssıplınarlyq konsýltasııalyq dárigerlik toptardyń qyzmetine taldaý júrgizý, oblystyq ahýaldyq ortalyqtyń múmkindigin tolyqtaı paıdalaný týraly usynystar aıtyldy. Sonymen qatar KVI bar pasıentterge stasıonarlyq kómek kórsetetin ambýlatorııalyq-emhanalyq uıymdar men medısınalyq uıymdarǵa nazar aýdarý qajettiligi bar birqatar is-sharalar týraly sóz boldy. Shtab otyrysynda óńirdegi epıdemııalyq jaǵdaı jáne ony jaqsartý úshin qabyldanyp jatqan is-sharalar týraly sanıtarlyq-epıdemıologııalyq baqylaý komıtetiniń basshysy Aıjan Esmaǵambetova aıtyp berdi.
О́tken aptadaǵy jaǵdaı boıynsha Qaraǵandy oblysynda 28 550 naýqas tirkelip, 471-i qaıtys bolǵan. Búgingi kúnde pasıentterdiń 24 930-y saýyǵyp ketti, al 3 313-i emdelýdi jalǵastyrýda. Epıdemııalyq jaǵdaıdy baǵalaý matrısasyna sáıkes qazirgi ýaqytta Qaraǵandy oblysy «qyzyl aımaqta» bir aıdan astam ýaqyt tur.
Shtab otyrysynda Qaraǵandy oblystyq densaýlyq saqtaý basqarmasynyń basshysy Gamal Toqsambaev ınfeksııalyq gospıtaldyq ınfraqurylymdy damytý, aýrýdy erte anyqtaý úshin medısınalyq kómek kórsetýdiń bastapqy býynyn jetildirý, úı stasıonarlary jaǵdaıynda ýaqtyly oqshaýlaý jáne emdeý jaıynda tolyqqandy maǵlumat berdi. Budan bólek ol qajet bolǵan jaǵdaıda jumysqa rezıdentýra men ınternatýra oqýshylary tartylatynyn, stasıonarlar men emhanalarda qajetti dárilik zattardyń, medısınalyq buıymdardyń jáne jeke qorǵanysh quraldarynyń úsh aılyq qory qurylǵanyn atap ótti.
Oblystyń bas dárigeri turǵyndardy ımmýndaýdyń mańyzy zor is ekenine basa nazar aýdardy. Epıdemııalyq ahýaldyń kez kelgen ózgeristerine jedel den qoıý úshin apta saıyn matrısa ázirlenip, oǵan sáıkes árbir eldi meken úshin karantındik sharalardy turaqty túzetý júrgizilip otyrǵanyn baıandady. Sonyń nátıjesinde densaýlyq saqtaý júıesine asa júkteme artpaı, oblysta aýrýdyń qarqyndy ósýin boldyrmaýdy eskertý múmkin bolǵan.
Qaraǵandy oblysy
