Zań jobasyna Qazaqstan Respýblıkasy Parlamentiniń depýtattary qashyqtan jumys isteýge baılanysty eńbek qatynastaryn retteý maqsatynda bastamashy boldy jáne 2021 jylǵy 8 aqpanda Qazaqstan Respýblıkasy Parlamenti Májilisiniń qaraýyna engizildi.
Májilistiń Áleýmettik-mádenı damý komıtetiniń málimetinshe, depýtattar zań jobasymen jumys isteý barysynda:
- jumyskerlerdiń saılanbaly ókilderin, onyń ishinde qashyqtan daýys berýdi paıdalaný múmkindigin eskere otyryp saılaý jáne olarǵa ókilettikter berý tártibi bekitildi;
- túsindirý habarlamalaryn daıyndaý kezinde qaǵaz nysandaǵy qujattarmen qatar elektrondyq sıfrlyq qoltańbamen kýálandyrylǵan elektrondyq qujatty paıdalaný múmkindigi kózdelgen;
- qashyqtan jumys istep júrgen jumyskerdi issaparǵa jiberýge qatysty normalar naqtylandy. Eńbek kodeksiniń qashyqtan jumys isteýdi retteıtin 138-babyna normalar qaıta qaraldy. Máselen, qashyqtan jumys, qashyqtan aralas jumys taraptardyń kelisimi boıynsha jumyskerdiń nemese jumys berýshiniń bastamasy boıynsha belgilenýi múmkin.
«Bul rette jumys berýshi jumyskerdi eńbek mindetterin oryndaý úshin qajetti jabdyqpen, Qazaqstan Respýblıkasynyń aqparattandyrý týraly zańnamasyna sáıkes aqparattandyrý obektilerimen, baılanys qyzmetterimen jáne ózge de quraldarmen qamtamasyz etedi. Jumyskerdiń jumys kúniniń kúndelikti uzaqtyǵynyń shekteýlerin saqtaı otyryp, jumys ýaqyty sheginde jumys berýshimen baılanys úshin qoljetimdilik rejıminde bolý máseleleri retteldi. Bul rette Eńbek kodeksinde kózdelgen jekelegen jaǵdaılardy qospaǵanda, jumys berýshiniń jumyskerdiń jumys ýaqytynan tys qoljetimdilik rejıminde bolýyn talap etýge quqyǵy joq», delingen komıtet qorytyndysynda.
