Alaıda syrqatqa ushyrap qalǵan jandardyń derekteri jyldam ózgeredi. Máselen, 23 mamyrdaǵy derek boıynsha 10 adam aýyrdy dese, 24 mamyrda ol 45-ke bir-aq jetken. Onyń 39-nyń boıynan jaman indettiń nyshandary ashyq bilingen. Syrqattyń eń kóp tabylǵan jeri – Petropavl qalasy. Barlyq syrqattyń 29-y osy oblys ortalyǵynan tabylǵan. Odan keıingi kóp tabylǵan jer – Taıynsha aýdany. Munda 9 adam syrqatqa ushyraǵan. Al Aqjar, M.Jumabaev
aýdandarynan eki-ekiden syrqatqa ushyraǵan adam tirkeldi. Al aýrýdan jazylǵan adamdardyń sany tıisinshe 44 jáne 10.
Petropavl qalasynyń kópshilik oryndarynyń bárine tek maskamen ǵana kirý qatań saqtalýda. Kúzet qyzmetteri ony jiti qadaǵalaıdy. Alaıda dámhanalar men meıramhanalardyń syrtqy esikterinen kirý arqyly oıyn-toı ótkizýshiler jazǵa salym burynǵydan kóbeıip keledi. Polısııanyń málimetterinde burynǵyǵa qaraǵanda mundaılar kóp aıtylatyn boldy.
24 mamyrdaǵy málimet boıynsha, óńirde syrqatqa ushyraǵandardyń jalpy sany –
14 527, al aıyqqandardyń sany – 13 983 adam. Vaksına egý de sońǵy ýaqytta sál saıabyrlap qalǵanymen jalǵasýda. Iri sýpermarketterde vaksına egetin kabınetter uıymdastyrylǵan. Qazir oblysta 70 myńdaı adam vaksınanyń alǵashqy komponentterin, al 34 myńdaı adam tolyq ekpe aldy.
Jaman indettiń kóbeıýine Reseımen eki aradaǵy shekaranyń keńirek ashylýy yqpal etip otyr. О́ıtkeni qazir ata-ájesine, týǵan aǵa-apasy men ini-qaryndasyna barýǵa da ruqsat berilgen. Reseı Federasııasy buryn tek ata-ana men balalaryna ǵana barýǵa ruqsat berse, qazir basqa týystarǵa barýyna da ruqsat etilgen. Sonymen birge EAEO elderine múshe elderdiń azamattaryna da erkin enýge ruqsat berdi. Iаǵnı EAEO elderiniń azamattary Qazaqstan arqyly Reseıge kirýge ruqsat aldy.
Qalaı desek te jaman indettiń jaıylýy saıabyrlap keledi.
Soltústik Qazaqstan oblysy
