Aktilik jazbanyń tirkelgeni týraly Qazaqstannyń tıisti shet elderdegi mekemesinen habarlama alǵan kezde ótinish berýshi daıyn kýálikti Qazaqstannyń shet elderdegi elshiliginen nemese konsýldyǵynan alýy qajet. Búgingi tańda bul múmkindik álemniń 20-dan astam núktesinde bar.
Qyzmetterdi «Ulttyq aqparattyq tehnologııalar» AQ men Sıfrlyq damý, ınnovasııalar, aeroǵarysh ónerkásibi mınıstrligi Syrtqy ister mınıstrligimen jáne Ádilet mınıstrligimen birlesip iske asyrdy.
eGov.kz. portalynyń «Otbasy» bóliminde neke qııýdy nemese ony buzýdy memlekettik tirkeý úshin tıisti qyzmetti tabý, qajetti joldardy toltyrý jáne konsýldyq alym tólemi týraly chekti júkteý, budan ári ESQ nemese SMS-parol arqyly suraý salýǵa qol qoıý qajet. Osydan keıin erli-zaıyptylardyń biriniń jeke kabınetine ótinimdi kelisý qajettiligi týraly habarlama jiberiledi. Ol qajetti joldardy toltyrady jáne suraýǵa qol qoıady. Qyzmet kórsetý merzimi - 1 aı.
Shetelde balanyń týýyn tirkeý úshin paıdalanýshy qajetti joldardy toltyrýy, suralǵan qujattardy, konsýldyq alymdy tóleý týraly chekti júkteýi jáne ótinishke qol qoıýy qajet. Qyzmet kórsetý merzimi - 3 jumys kúni. Atyn, tegin, ákesiniń atyn ózgertý úshin dál osyndaı áreketterdi oryndaýyńyz kerek, biraq merzimi 30 kúntizbelik kúndi quraıdy.
Qaıtys bolýdy tirkeý kezinde qaıtys bolǵan adamnyń JSN-in kórsetý, qajetti joldardy toltyrý jáne suraý salýǵa qol qoıý qajet. Qyzmet 1 jumys kúni ishinde kórsetiledi.
