Máselen, Almaty oblysynda partııalyq baqylaý óńirlik komıssııasy Panfılov aýdanyna qarasty Suptaı aýyly turǵyndarynyń shaǵymy boıynsha tekserý júrgizgen. Onda 200-ge jýyq oqýshy apatty jaǵdaıda turǵan burynǵy balabaqsha ǵımaratynda oqýǵa májbúr. Tekserý barysynda jergilikti mektep ǵımaraty 1998 jyly jylý júıesiniń joqtyǵynan jabylyp, 2011 jyly paıdalanýǵa jaramsyz dep tanylǵany anyqtaldy. Nurotandyqtar oblystyq bilim basqarmasyna osy jyldyń sońyna deıin jobalyq-smetalyq qujattamany ázirleýdi jáne 2022 jyldyń sońyna deıin jańa mektep qurylysyn aıaqtaýǵa qajetti qarajatty qarastyrýdy usyndy. Bul másele partııanyń oblystyq fılıalynyń erekshe baqylaýyna alynǵan.
Elordadaǵy turǵyn úı keshenderiniń birinde páter ıeleri qonys toıyn toılaı almaı otyr. О́ıtkeni qurylys salýshy áleýmettik áljýaz otbasylarǵa ákimdikten «Nurly jer» baǵdarlamasy boıynsha berilgen páterlerge turǵyndardy kirgizbeı qoıǵan. Osy keleńsiz jaǵdaıǵa Nur Otan partııasynyń astanalyq fılıaly jedel nazar aýdardy. Partııalyq baqylaý komıssııasy qalalyq Qurylys basqarmasyna máseleni qysqa merzimde sheshýdi usyndy. Bul rette azamattardyń ótinishterine ýaqtyly jaýap bermegeni úshin partııa múshesi, Qurylys basqarmasynyń basshysy Arsen Janǵasqanov «eskertý» túrindegi partııalyq jaýapkershilikke tartyldy.
Semeı qalasynda qurylys salýshy men turǵyn úı alaptarynyń biriniń turǵyndary arasyndaǵy janjal retteldi. Munda sol aımaqtaǵy jalǵyz jol ústine saýda ortalyǵyn salý josparlanǵan bolyp shyqty. Bul turǵyndardyń óz úılerine kirip-shyǵýyn qıyndatady. О́ıtkeni olardyń úıleri barlyq jaǵynan temir jolmen qorshalǵan. Osy iske partııa aralasqannan keıin, qurylys salýshymen joldy jappaı, burynǵy qalpynda qaldyrý týraly kelisimge qol jetkizildi. Salynǵan qorshaýlar alynyp tastaldy.
Almaty qalasynda Álmerek shaǵyn aýdanynyń turǵyndary jergilikti kommýnaldyq qyzmettiń buryn asfalttalǵan joldy búldirip, jańa sý qubyryn salǵanyna shaǵymdanǵan. Sonyń saldarynan qala turǵyndary sýsyz, jolsyz qalǵan. Júrgizilgen tekseris qorytyndysy boıynsha nurotandyqtar 10 maýsymǵa deıin turǵyndardy sýmen qamtamasyz etýdi jáne joldy jóndeýdi usyndy. Bul másele – partııanyń Almaty qalalyq fılıalynyń baqylaýynda.
Jergilikti atqarýshy organdar sheneýnikteriniń osyndaı shalaǵaılyqtaryna shaǵynǵan azamattardyń ótinishterine oraı nurotandyqtar jyl basynan beri 2 myńnan astam reıd uıymdastyrǵan.
