Ol osy ýaqytqa deıin Holdıngtiń enshiles uıymy «Qazaqstannyń turǵyn úı kompanııasy« AQ-ny basqarǵan.
Á.Muhamedjanov táýekel menedjmentin damytý, korporatıvtik damytý, strategııa, taldaý jáne zertteý máselelerine jetekshilik etedi.
Ádil Bektasuly 1981 jyly týǵan. 2002 jyly T. Rysqulov atyndaǵy Qazaq ekonomıkalyq ýnıversıtetinde «Halyqaralyq ekonomıst» biliktiligimen, «Halyqaralyq ekonomıkalyq qatynastar» mamandyǵyn alǵan. 2003 jyly Nottıngem ýnıversıtetinde (Ulybrıtanııa) «Qarjy jáne menedjment» mamandyǵyn bitirgen. 2018 jyly Chıkago ýnıversıteti janyndaǵy Býta atyndaǵy bıznes mektebinde EMVA dárejesin alǵan.
Eńbek jolyn 2003 jyldyń qazan aıynda «KazTransOıl» jabyq aksıonerlik qoǵamynda jobalardy basqarý departamentiniń mamany bolyp bastady.
2004 jyldyń naýryz aıy men 2016 jyldyń naýryz aıy aralyǵynda «Caspian Energy Inc» PLS Kanada, Toronto qalasynda, «Aral Petrolıým Kepıtal» jabyq aksıonerlik qoǵamynda qarjy menedjeri, Vıse-prezıdent laýazymdarynda jumys istedi, sondaı-aq atalǵan kompanııanyń dırektorlar keńesiniń múshesi boldy.
2010 jyldyń qyrkúıeginen 2011 jyldyń jeltoqsanyna deıin «Otan» ashyq jınaqtaýshy zeınetaqy qory» aksıonerlik qoǵamynyń Basqarma Tóraǵasy.
2008 jyldyń mamyr aıynan 2016 jyldyń mamyr aıyna deıin «AzııaKredıtBank» aksıonerlik qoǵamynyń Dırektorlar keńesiniń múshesi.
2016 jyldyń qyrkúıek aıynan 2021 jyldyń mamyr aıyna deıin «Qazaqstan Turǵyn úı kompanııasy» AQ Basqarma Tóraǵasy qyzmetin atqardy.
