Qazaqstan – Norvegııa: Etnosaralyq kelisim – órkendeý joly

Is-shara etnosaralyq jáne kon­fessııaaralyq kelisimniń qazaq­standyq modeline arnalǵan. Nur-Sultan men Oslo qalalaryn jal­ǵaǵan onlaın semınarǵa Samı parla­mentiniń burynǵy bas dırektory Rýne Felheım, Nursultan Nazar­baev qory janyndaǵy Álem­dik ekonomıka jáne saıasat ınstı­tý­tynyń dırektory Erjan Salty­baev, konfessııaaralyq jáne órke­nıetaralyq dıalogty damytý jó­nindegi N.Nazarbaev ortalyǵynyń basqarma tóraǵasy Bolat Sársenbaev, sondaı-aq Oslo qalasyndaǵy evreı qaýymdastyǵynyń jetekshisi jáne rasızmge qarsy kúres ortalyǵy basshysynyń burynǵy orynbasary Ervın Koen qatysty. EQYU-nyń az ulttar isteri jónindegi joǵarǵy ko­mıs­sary Qaırat Ábdirahmanov ta Gaagadan tikeleı baılanysqa shyǵyp, pikir alysty.

Is-sharanyń moderatory – bu­rynǵy sheteldik tilshi, «TV2» jańa­lyqtar bóliminiń basshysy, nor­vegııalyq jýrnalıst Tomas Henshen boldy. Semınarǵa qatysýshylar 30 jyldyq mejedegi Qazaqstannyń tabystaryn tizbeledi. Táýelsizdik jyldary ekonomıkalyq jetistiktermen qatar, eldiń kópetnosty jáne kóp­kon­fessııaly qoǵamdy nyǵaıtýdaǵy róli erekshe ataldy.

Semınardyń ashylýynda Qaırat Ábdirahmanov búgingi álemde tu­raqtylyqtyń basty faktorynyń biri retinde toleranttylyqtyń ma­ńyzyn basa aıtty. Sol sebepti kóp­ultty qazirgi Qazaqstannyń aıtý­ly jetistiginiń ózegi retinde beıbit­shilikti saqtaý ataldy.

Qazaqstandyq dıplomattyń oıyn Erjan Saltybaev sabaqtady. Onyń aıtýynsha, Elbasy Nursultan Nazarbaevtyń salıqaly saıasatyn júzege asyrýdyń arqasynda birinshi orynǵa turaqtylyq pen halyqtyń birligi qoıylǵan  memlekettiń damýy qamtamasyz etildi.

Ervın Koen óz kezeginde aýdı­to­rııaǵa Norvegııadaǵy ulttyq az­shylyq quqyqtarynyń damý tarıhyna jáne búginde áleýmettik qorǵaý teńdik pen teń quqyqtyq syndy qundylyqtarmen tyǵyz baılanys­ty qazirgi zamanǵy norvegııalyq qoǵamnyń qalyptasý úderisine qysqasha sholý usyndy.

Norvegııa jáne álemniń ózge elderi Qazaqstannan ne úırenýge bolatyny jaıly pikirlesý kezinde norveg qoǵamdastyǵynyń jetekshisi: «Árdaıym san túrli qoǵam ıdeıasyn ilgeriletýge erekshe mán bergen Qazaqstan basshylyǵynyń bolashaqqa degen kózqarasy el úshin basty qundylyqqa aınaldy, óıtkeni dál osy ártúrlilik qoǵam ál-aýqatynyń artýy men órkendeýine yqpal etedi», dep jaýap berdi.

Norvegııanyń Samı parlamentin on jyldan astam ýaqyt boıy bas­qar­ǵan Rýne Felheım memlekettik organdar men Samı parlamenti ara­syndaǵy ózara is-qımyl men kon­sýltasııalar rásiminiń damýy­na toqtaldy. Bul rette ol halyq­tyń etnostyq erekshelikterine qara­mastan, kópultty Qazaqstanda teń múmkindikterdiń berilýi ózgege úlgi ekenin basa aıtty.

Bolat Sársenbaev óz sózinde Qazaqstannyń konfessııaaralyq tájirıbesi men elimizdiń mádenıet, din jáne órkenıetter dıalogyn damytý jónindegi kúsh-jigeri qazirgi álemniń jahandyq syn-qaterlerine qarsy sheshim tabýda aıryqsha mańyzdy ekenin jetkizdi.

Semınar sońynda qatysýshylar Qazaqstan Táýelsizdiginiń 30 jyl­dy­ǵymen quttyqtaý bildirip, elimizge turaqty damý men beıbitshilik tiledi.