Almaty oblystyq tótenshe jaǵdaılar departamentiniń baspasóz qyzmeti taratqan habarlamada óńirdiń keı aımaqtarynda 37 gradýsqa deıin ystyq bolyp, órt qaýpiniń saqtalatyny eskertilip otyr.
«Qazgıdromet» respýblıkalyq kommýnaldyq kásiporny 3 maýsymda daýyldy eskertý jarııalady. Sonyń negizinde 4 maýsym kúni Almaty oblysynyń keıbir aýmaqtarynda naızaǵaı jarqyldaıdy. Shańdy daýyl soǵyp, burshaq jaýýy múmkin. Sondaı-aq kúndiz keı aımaqtarda 37 gradýsqa deıin aptap ystyq bolady jáne joǵary órt qaýpi saqtalady.
Sonymen qatar Ile Alataýy men Jetisý Alataýy taýlarynda azdaǵan ótkinshi jańbyr jaýyp, kún kúrkireıdi, burshaq jaýýy múmkin. Jel batystan soǵady. Naızaǵaı kezinde jeldiń ekpini 25 m/s deıin jetedi. Almaty oblysynyń TJD azamattardy aýa raıynyń ózgerýin baqylaýǵa alyp, saqtyq sharalaryn saqtaýǵa shaqyrady», delingen vedomstvonyń habarlamasynda.
