О́zbekstan Prezıdenti joǵary deńgeıdegi turaqty jáne tıimdi baılanystyń arqasynda qol jetken dostyq, tatý kórshilik jáne strategııalyq seriktestikke negizdelgen búgingi qazaq-ózbek qatynasyn erekshe atap ótti.
О́z kezeginde Senat Tóraǵasy О́zbekstan kóshbasshysyna qabyldaýy úshin alǵysyn bildirip, Qazaqstan Prezıdenti Qasym-Jomart Toqaevtyń sálemin jetkizdi.
Máýlen Áshimbaev parlamentaralyq ózara is-qımyldy nyǵaıtý maqsatymen Olıı Májilistegi áriptesterimen birlesip atqarylyp jatqan jumystar týraly da aıtty.
Qazaqstan Senatynyń Tóraǵasy eki memlekettiń Prezıdentteri yntymaqtastyqtyń joǵary deńgeıin belgilep bergenin tilge tıek etip, ony el Parlamentteri arqyly qoldaýdyń mańyzdy ekenine nazar aýdardy. Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev Qazaqstan men О́zbekstan arasyndaǵy qarym-qatynastyń nyǵaıýyna basa mán berip otyr.
Senat Spıkeri Qazaqstan men О́zbekstannyń parlamentaralyq yntymaqtastyǵy belsendi damyp kele jatqanyn jáne onyń barlyq qyrlary boıynsha ózara túsinistikke qol jetkizilgenin atap ótti.
Sondaı-aq, Máýlen Áshimbaev Qazaqstan men О́zbekstannyń arasyndaǵy yntymaqtastyq eki eldiń bolashaǵyna oń áserin tıgizetinine senim bildirdi. Al, tatý kórshilik, syndarly jáne ózara tıimdi qarym-qatynas – elderimizdiń ósip-órkendeýiniń kepili.
«Bizdiń tyǵyz, jan-jaqty jáne ózara senimge negizdelgen baılanystarymyz eki memlekettiń de ulttyq múddelerine saı keledi. Memleket basshylary deńgeıindegi senimdi jáne nátıjeli dıalog osyndaı yntymaqtastyqtyń irgetasy bolyp sanalady. Qazaqstan Parlamentiniń Senaty Qazaqstan men О́zbekstan arasyndaǵy parlamentaralyq yntymaqtastyqty nyǵaıtý jáne strategııalyq seriktestikti damytý úshin barlyq qajetti jumysty atqarady», dedi Máýlen Áshimbaev.
Sonymen qatar kezdesý barysynda mádenı-gýmanıtarlyq baılanystardy nyǵaıtýdyń perspektıvalary, halyqaralyq arenadaǵy ózara is-qımyl jáne taǵy basqa máseleler talqylandy.
