Kirister sońǵy esepti bes jylda, atap aıtqanda, 2016-2020 jyldar aralyǵynda 53,7 mlrd. teńgeden 145,3 mlrd. teńgege, ıaǵnı 2,7 esege ulǵaıǵan. Muny Shymkent kalasynyń ekonomıka jáne bıýdjettik josparlaý basqarmasynyń basshysy R.Múlkemanov «ınstagram» jelisindegi tikeleı efır barysynda baıandady.
Vedomstvo basshysynyń aıtýynsha, dınamıkalyq ulǵaıýdyń qarqyny qalanyń respýblıkalyq mańyzy bar statýsyn alǵannan keıingi jyldarda baıqalady.
Jyl basynan beri qalanyń kiris kólemi 124,1 mlrd. teńge bolyp bekitildi. Onyń ishinde: salyqtyq túsimder 122,5 mlrd. teńge, salyqtyq emes túsimder 0,6 mlrd. teńge, negizgi kapıtaldy satýdan túsetin túsim 1 mlrd. teńge.
Qala bıýdjetiniń kiris kózderine egjeı-tegjeı taldaý jumystaryn júrgizý nátıjesinde 28,3 mlrd. teńge qosymsha kiris kózderi anyqtalyp, 2021 jyldyń naýryz aıyndaǵy qalalyq bıýdjetti naqtylaý barysynda ózindik kiris kólemi 152,4 mlrd. teńgeni qurap, 22,8% ulǵaıdy.
Elimizde kirister, bıýdjet kredıtterin óteý somalary, memlekettiń qarjy aktıvterin satýdan túsken túsimder, sondaı-aq, qaryzdardyń túsimi jalpy bıýdjettik kiris bolyp sanalady.
