Aımaqtar • 08 Maýsym, 2021

Prokýrorlar 1,5 myńnan astam azamatty negizsiz aıyptaýdyń aldyn alǵan

164 ret kórsetildi

Bas Prokýror Ǵızat Nurdáýletov pen Ishki ister mınıstri Erlan Turǵymbaev Qyzylorda oblysyna jumys saparymen bardy, dep habarlaıdy Egemen.kz

Vedomstvolardyń basshylary prokýrorlar men sotqa deıingi tergep-tekserý organdarynyń jańa is júrgizý jaǵdaıyndaǵy ózara is-qımyl tártibimen tanysty.

Aıta ketsek, Memleket basshysynyń tapsyrmasymen Qazaqstan EEYU elderiniń úlgisi boıynsha qylmystyq prosestiń úsh býyndy modeline kóshýdi bastaǵan. Polısııa dáleldemelerdi jınap, prokýratýra olarǵa quqyqtyq baǵa beredi, al sot úkim shyǵaratyn bolady.

Bul tásildiń artyqshylyǵy tejemelik ári tepe-teńdik júıesi bolyp tabylady, azamattardyń quqyqtaryn qorǵaý mehanızmi kúsheıtiledi.

Qazirgi ýaqytta ózgeristerdiń birinshi kezeńi – prokýrorlardyń tergeý organdarynyń negizgi sheshimderin elektrondyq formatta kelisýi iske asyrylyp jatyr.

Eger buryn tergeýshi azamattardy qylmystyq sheńberge tartý máselesin derbes sheshse, endi onyń sheshimderi prokýror keliskennen keıin ǵana kúshine enedi.

Jańa jaǵdaılarda prokýror tergeý prosesine belsendi qatysady jáne zańsyz sheshimderge ýaqtyly den qoıady.

Jyl basynan beri elimizde prokýrorlar 133 myń sheshimmen kelisip, 1,5 myńnan astam azamatty qylmystyq proseske negizsiz tartýdyń aldyn alǵan.

Sondaı-aq Bas prokýror oblys ákimi G. Ábdiqalyqova óńirdegi quqyq qorǵaý jáne arnaıy organdar basshylarymen qylmysqa qarsy kúres jáne quqyq buzýshylyqtyń aldyn alý máseleleri jóninde keńes ótkizdi.

Prokýrorlarǵa qylmystyq proseste qadaǵalaýdy kúsheıtý jáne organdar basshylarymen birlesip, naqty ózara is-qımyldy jolǵa qoıý tapsyryldy.

Is shara qorytyndysy boıynsha basshylarǵa basqa da birqatar tapsyrmalar berildi.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Uqsas jańalyqtar