Kvazımemlekettik sektordyń jekelegen sýbektileriniń satyp alýy týraly QR zańy

1. Osy Zań keıinnen satyp alý quqyǵymen jeke tulǵalarǵa nemese memlekettik emes zańdy tulǵalarǵa senimgerlik basqarýǵa berilgen, daýys beretin aksııalarynyń (jarǵylyq kapıtalǵa qatysý úlesteriniń) elý jáne odan da kóp paıyzy ulttyq basqarýshy holdıngke, ulttyq holdıngke, ulttyq kompanııalarǵa tikeleı nemese janama tıesili zańdy tulǵalardy qospaǵanda, ulttyq basqarýshy holdıngterdiń, ulttyq holdıngterdiń, ulttyq kompanııalardyń jáne daýys beretin aksııalarynyń (jarǵylyq kapıtalǵa qatysý úlesteriniń) elý jáne odan da kóp paıyzy ulttyq basqarýshy holdıngterge, ulttyq holdıngterge, ulttyq kompanııalarǵa tikeleı nemese janama tıesili uıymdardyń, sondaı-aq áleýmettik-kásipkerlik korporasııalardyń (budan ári – kvazımemlekettik sektordyń jekelegen sýbektileri) jumys isteýin qamtamasyz etý, sondaı-aq jarǵylyq qyzmetin oryndaý úshin qajetti taýarlardy, jumystardy, kórsetiletin qyzmetterdi satyp alýǵa baılanysty qatynastardy retteıdi.
2. Osy Zań:

1) jeke tulǵalardan eńbek sharttary boıynsha ne kásipkerlik qyzmet sýbektileri bolyp tabylmaıtyn jeke tulǵalardan óteýli qyzmetter kórsetý sharttary boıyn­sha kórsetiletin qyzmetterdi, onyń ishinde jekeshe nota­rıýstar, advokattar men sot oryndaýshylary kór­setetin qyzmetterdi satyp alý;

2) múshelik jarnalardy (salymdardy), onyń ishinde zańdy tulǵalardyń jarǵylyq kapıtalyna engizý;

3) zańdy tulǵalardyń aksııalary paketterin, jarǵylyq kapıtalǵa qatysý úlesterin (budan ári – qatysý úlesteri) satyp alý;

4) basqarý organy men baıqaý keńesiniń múshelerine syıaqy tóleý, basqarý organy men baıqaý keńesi múshe­leriniń mindetterdi oryndaýyna baılanysty shyǵys­tardy (jol júrý jáne turý, táýliktik) óteý ne tóleý;

5) Qazaqstan Respýblıkasynyń halyqaralyq sharttaryna sáıkes, sondaı-aq Qazaqstan Respýblıkasy múshesi bolyp tabylatyn halyqaralyq uıymdar qarjy­landyratyn ınvestısııalyq jobalardy iske asyrý sheńberinde júzege asyrylatyn taýarlardy, jumys­tardy, kórsetiletin qyzmetterdi satyp alý;

6) Qazaqstan Respýblıkasynyń Ulttyq Banki, bankter jáne Qazaqstan Respýblıkasynyń zańnamasyna sáıkes alynǵan lısenzııalar negizinde bank operasııalary­nyń jekelegen túrlerin júzege asyratyn uıymdar jú­zege asyratyn bank operasııalaryn júrgizýge baı­lanysty qarjylyq kórsetiletin qyzmetterdi jáne ba­ǵaly qaǵazdar naryǵynda ózge de qatysýshylardyń kór­setiletin qyzmetterin, brokerlik jáne (nemese) dı­ler­lik kórsetiletin qyzmetterdi, kastodıandyq qyz­­met kórsetýdi satyp alý, aqparat tasymalynyń av­to­mattandyrylǵan qarjy júıesine qosý, oǵan qyz­met kórsetý jáne ony paıdalaný jónindegi kórse­tiletin qyzmetterdi, aqparat berýdiń jáne tólemder ja­saý­dyń halyqaralyq bankaralyq júıesiniń kór­setiletin qyzmetterin, onyń ishinde banktik úzindi kó­shirmelerdi jáne Qazaqstan Respýblıkasynyń aýma­ǵynda qyzmetin júzege asyratyn qor bırjasy kórsetetin aqparattyq kórsetiletin qyzmetterdi alýǵa baılanysty kórsetiletin qyzmetterdi, Qazaqstan Respýblıkasynyń ekinshi deńgeıdegi bankteriniń jáne (nemese) halyqaralyq (sheteldik) bankterdiń, qolaıly hattardy shyǵarý boıynsha zań konsýltanttarynyń, qarjy konsýltanttarynyń, syrtqy aýdıtorlyq uıymdardyń jáne (nemese) baǵalaý uıymdarynyń, senimgerlik basqarýshy ınvestordyń, tólemdik transfer-agentterdiń, tirkeýshilerdiń kórsetiletin qyzmetterin, prosestik, tórelik jáne tapsyrys berýshiniń qaryz alýdy uıymdastyrýyna, onyń ishinde baǵaly qaǵazdar shyǵarýǵa jáne olardy satyp alýǵa, boryshty jáne ınvestısııalyq (qazynashylyq) portfeldi basqarýǵa qajetti ózge de kórsetiletin qyzmetterdi, jetekshi halyqara­lyq qar­jylyq aqparat berýshilerdiń aqparat­tyq-taldaý júıeleri kórsetetin qyzmetterdi satyp alý, sondaı-aq «Jobalyq qarjylandyrý jáne sekıýrı­tılendirý týraly» Qazaqstan Respýblıkasynyń Zańyna sáıkes orıgınator jáne (nemese) kredıtor retinde sekıýrı­tılendirý mámilelerin júzege asyrý kezinde joǵaryda kórsetilgen qyzmetterdi satyp alý;

7) teńiz portynda alynatyn alymdar men tólemderdi tóleý;

8) ókildik shyǵystardy, issapar shyǵystaryn tóleý jáne issapar shyǵystaryna baılanysty kórsetiletin qyz­metterdi satyp alý;

9) ulttyq basqarýshy holdıngtiń eksporttyq kredıtterdi saqtandyrýǵa mamandanǵan halyqaralyq saqtandyrý kompanııasynyń kórsetiletin qyzmetterin satyp alýy;

10) baǵaly qaǵazdardy biryńǵaı tirkeýshiniń kór­setiletin qyzmetterin jáne baǵaly qaǵazdarmen jasa­latyn operasııalar boıynsha kórsetiletin qyzmetterdi sa­typ alý;

11) ýaqytsha bos aqshany ornalastyrýǵa baılanysty qazy­nashylyq operasııalardy júzege asyrý kezinde qar­jy quraldaryn, onyń ishinde baǵaly qaǵazdardy sa­typ alý;

12) Qazaqstan Respýblıkasynyń bıýdjet zańnamasyna sáıkes memlekettik kepildik berý, memlekettik kepildik boıynsha mindettemeler oryndalǵan jaǵdaıda bólingen respýblıkalyq bıýdjet qarajatyn qaıtarý jónindegi quqyqtyq qatynastar sheńberinde senim bildirilgen ókildiń (agenttiń) kórsetiletin qyzmetterin satyp alý;

13) agroónerkásiptik keshen salasyndaǵy ulttyq kom­panııanyń aýyl sharýashylyǵy ónimin jáne ony qaıta óńdeý ónimderin, sondaı-aq Qazaqstan Respýblıkasynyń zańnamasyna sáıkes júzege asyrylatyn, olardy saq­taý, qaıta óńdeý, tasymaldaý jónindegi kórsetiletin qyz­metterdi satyp alýy;

14) Qazaqstan Respýblıkasynyń zańnamasyna sáıkes júzege asyrylatyn, áleýmettik máni bar azyq-túlik taýarlaryn azyq-túlik taýarlarynyń óńirlik turaq­tandyrý qorlaryna satyp alý jaǵdaılaryna qolda­nylmaıdy.

2-bap. Osy Zańda paıdalanylatyn negizgi uǵymdar

Osy Zańda mynadaı negizgi uǵymdar paıdalanylady:

1) aldyn ala biliktilikti irikteý – áleýetti ónim berý­shilerdi satyp alýdy júzege asyrý qaǵıdalarynda kóz­del­gen biliktilik talaptaryna sáıkestigi turǵysynan ba­ǵa­laý prosesi;

2) anyq emes aqparat – áleýetti ónim berýshiniń nemese ónim berýshiniń tender, aýksıon, bir kózden alý jáne baǵa usynystaryn suratý tásilderimen satyp alýǵa qatysýǵa arnalǵan ótiniminde qamtylǵan, sol sııaqty qujattardyń shynaıy mazmunyn burmalaıtyn jáne áleýetti ónim berýshiniń nemese ónim berýshiniń usynylǵan ótinimine sáıkes kelmeıtin túzetýler arqyly engizilgen jalǵan málimetter;

3) áleýetti ónim berýshi – satyp alý týraly shart jasasýǵa úmitti, kásipkerlik qyzmetti júzege asyratyn jeke tulǵa, zańdy tulǵa (eger Qazaqstan Respýblıkasynyń zań­­darynda olar úshin ózgeshe belgilenbese, memlekettik meke­melerdi qospaǵanda), konsorsıým;

4) birtekti taýarlardyń túrleri – birin-biri almastyrmaıtyn birtekti taýarlar;

5) birtekti taýarlar, jumystar, kórsetiletin qyz­met­ter – birdeı bolyp tabylmasa da, uqsas sıpat­tama­lary bar jáne naq sol bir fýnksııalardy oryndaýǵa múm­kindik beretin uqsas quraýyshtardan turatyn taýarlar, jumystar, kórsetiletin qyzmetter;

6) jumystar – zattyq nátıjesi bar qyzmet, sondaı-aq Qazaqstan Respýblıkasynyń zańdaryna sáıkes jumystarǵa jatqyzylǵan ózge de qyzmet;

7) kelisý komıssııasy – shart jasasýdan jaltarǵan jáne satyp alýǵa josyqsyz qatysýshylardyń tizilimine nemese Qordyń senimsiz áleýetti ónim berýshileriniń (ónim berýshileriniń) tizbesine engizilgen áleýetti ónim berý­shilerdiń joldanymdaryn qaraıtyn, turaqty jumys isteıtin alqaly organ. Kelisý komıssııasynyń qura­my, jumys isteý jáne sheshim qabyldaý tártibi satyp alý­dy júzege asyrý qaǵıdalarynda aıqyndalady. Bul ret­te kelisý komıssııasynyń quramyna mindetti túrde Qazaq­stan Respýblıkasynyń Ulttyq kásipkerler pala­tasynyń, Qazaqstan Respýblıkasynyń Ulttyq kásip­kerler palatasynda akkredıttelgen salalyq qaýym­dastyqtardyń (odaqtardyń) ókilderi kiredi;

8) kórsetiletin qyzmetter – tapsyrys berýshiniń qajet­­tilikterin qanaǵattandyrýǵa baǵyttalǵan, zattyq nátı­jesi joq qyzmet;

9) Qordyń uıymdary – daýys beretin aksııalarynyń (qatysý úlesteriniń) elý jáne odan da kóp paıyzy menshik nemese senimgerlik basqarý quqyǵymen Qorǵa tikeleı nemese janama tıesili zańdy tulǵalar. Janama tıesililik ózge zańdy tulǵanyń daýys beretin aksııalarynyń (qa­tysý úlesteriniń) elý jáne odan da kóp paıyzy árbir kelesi zańdy tulǵaǵa menshik nemese senimgerlik basqarý quqy­ǵymen tıesili bolatynyn bildiredi;

10) ofteık-kelisimshart – quny, sany (kólemi) jáne berý merzimderi boıynsha aldyn ala kelisilgen talaptarmen ónim berýshi bolashaqta óndirýdi jáne ony berýdi qamtamasyz etýdi josparlap otyrǵan taýardy berýge tapsyrys berýshi men ónim berýshi arasynda jasalǵan shart;

11) satyp alý – tapsyrys berýshilerdiń osy Zańda, satyp alýdy júzege asyrý qaǵıdalarynda belgilengen tár­tip­pen taýarlardy, jumystardy, kórsetiletin qyz­metterdi aqyly negizde satyp alýy;

12) satyp alý veb-portaly – osy Zańǵa jáne satyp alýdy júzege asyrý qaǵıdalaryna sáıkes satyp alýdy elektrondyq formatta ótkizýdi qamtamasyz etetin aqparattyq júıe;

13) satyp alýǵa qatysýshy – tapsyrys berýshi, satyp alýdy uıymdastyrýshy, áleýetti ónim berýshi, ónim be­rýshi jáne elektrondyq satyp alý aqparattyq júıe­siniń operatory;

14) satyp alýdy baqylaý jónindegi ortalyq­tandy­rylǵan qyzmet – aksıoneri ulttyq basqarýshy holdıng nemese ulttyq holdıng bolyp tabylatyn ulttyq kompa­nııany qospaǵanda, ulttyq basqarýshy holdıngtiń, ulttyq holdıngtiń, ulttyq kompanııanyń qyzmeti, son­daı-aq áleýmettik-kásipkerlik korporasııanyń qyzmeti;

15) satyp alýdy júzege asyrý qaǵıdalary – rette­letin qatynastar salasyna qaraı:

Qordy jáne Qordyń uıymdaryn qospaǵanda, kvazımemlekettik sektordyń jekelegen sýbektileri úshin – satyp alý salasyndaǵy ýákiletti organ bekitetin, Qordy jáne Qordyń uıymdaryn qospaǵanda, kvazımemlekettik sektordyń jekelegen sýbektileriniń satyp alýyn júzege asyrý tártibin aıqyndaıtyn normatıvtik quqyqtyq akt;

Qor jáne Qordyń uıymdary úshin – satyp alý salasyndaǵy ýákiletti organmen kelisý boıynsha Qordyń dırektorlar keńesiniń sheshimimen bekitiletin Qordyń jáne Qor uıymdarynyń satyp alýyn júzege asyrý tártibi (budan ári – Qordyń satyp alýyn júzege asyrý tártibi);

16) satyp alýdy uıymdastyrýshy – tapsyrys berý­shiniń laýazymdy adamy nemese qurylymdyq bólimshesi ne satyp alýdy uıymdastyrý men ótkizý rásimderin oryn­daýǵa jaýapty bolyp aıqyndalǵan zańdy tulǵa;

17) satyp alý jónindegi saraptama komıssııasy – satyp alýdy uıymdastyrýshy ne tapsyrys berýshi satyp alynatyn taýarlardyń, jumystardyń, kórsetiletin qyzmetterdiń tehnıkalyq tapsyrmasyn jáne (nemese) tehnıkalyq ózindik ereksheligin ázirleýge jáne (nemese) áleýetti ónim berýshiler usynystarynyń satyp alynatyn taýarlardyń, jumystardyń, kórsetiletin qyzmetterdiń tehnıkalyq ózindik ereksheligine sáıkestigine qatysty saraptamalyq qorytyndy daıyndaýǵa qatysý úshin sarapshylardy tarta otyryp quratyn alqaly organ;

18) satyp alý jónindegi sarapshy – ótkiziletin satyp alý salasynda tıisti qujattarmen (dıplomdarmen, sertıfıkattarmen, kýáliktermen jáne basqa da qujattarmen) rastalatyn arnaýly jáne (nemese) tıisti tehnıkalyq bilimi, tájirıbesi men biliktiligi bar, satyp alýdy uıym­dastyrýshy ne tapsyrys berýshi satyp alynatyn taýarlardyń, jumystardyń, kórsetiletin qyzmetterdiń tehnıkalyq tapsyrmasyn jáne (nemese) tehnıkalyq ózindik ereksheligin ázirleýge jáne (nemese) áleýetti ónim berýshiler usynystarynyń satyp alynatyn taýarlardyń, jumystardyń, kórsetiletin qyzmetterdiń tehnıkalyq ózindik ereksheligine sáıkestigine qatysty saraptamalyq qorytyndy daıyndaýǵa qatysý úshin tar­tatyn jeke tulǵa;

19) satyp alý salasyndaǵy ýákiletti organ – kva­zımemlekettik sektordyń jekelegen sýbektileriniń sa­typ alýy salasynda basshylyqty, sondaı-aq sala­ara­lyq úılestirýdi júzege asyratyn ortalyq atqarýshy organ;

20) satyp alý týraly shart (budan ári – shart) – osy Zańǵa, Qazaqstan Respýblıkasynyń azamattyq zań­namasyna jáne satyp alýdy júzege asyrý qaǵıdalaryna sáıkes jasalǵan azamattyq-quqyqtyq shart;

21) tapsyrys berýshiler – kvazımemlekettik sektor­dyń jekelegen sýbektileri;

22) taýarlar – nárseler (zattar), onyń ishinde jartylaı fabrıkattar nemese qatty, suıyq nemese gaz táriz­des kúıdegi shıkizat, elektr jáne jylý energııasy, zııat­kerlik menshik quqyǵynyń obektileri, sondaı-aq Qazaq­stan Respýblıkasynyń zańdaryna sáıkes satyp alý-satý mámilelerin jasasýǵa bolatyn zattyq quqyqtar;

23) tenderlik komıssııa (aýksıondyq komıssııa) – satyp alýdy tender (aýksıon) tásilimen ótkizý rásimin oryndaý úshin satyp alýdy uıymdastyrýshy ne tapsyrys berýshi quratyn alqaly organ;

24) Ulttyq ál-aýqat qory (budan ári – Qor) – ulttyq bas­qarýshy holdıng;

25) elektrondyq dúken – satyp alý veb-portalymen ıntegrasııalanǵan, satyp alýdy júzege asyrý qaǵı­dalarynda aıqyndalǵan tártippen satyp alýdy ótkizýdi qam­tamasyz etetin aqparattyq júıe;

26) elektrondyq satyp alý aqparattyq júıesiniń operatory – qarym-qatynas salasyna qaraı:

Qordy jáne Qordyń uıymdaryn qospaǵanda, kvazı­memlekettik sektordyń jekelegen sýbektileri úshin – satyp alý salasyndaǵy ýákiletti organ aıqyndaǵan, ókilettikteri satyp alýdy júzege asyrý qaǵıdalarynda aıqyn­dalatyn zańdy tulǵa (zańdy tulǵalar);

Qor jáne Qordyń uıymdary úshin – Qor aıqyndaǵan, ókilettikteri Qordyń satyp alýyn júzege asyrý tárti­binde aıqyndalatyn zańdy tulǵa.

3-bap. Qazaqstan Respýblıkasynyń kvazımemlekettik sektordyń jekelegen sýbektileriniń satyp alýy týraly zańnamasy

1. Qazaqstan Respýblıkasynyń kvazımemlekettik sektordyń jekelegen sýbektileriniń satyp alýy týraly zańnamasy Qazaqstan Respýblıkasynyń Konstıtýsııasyna negizdeledi jáne Qazaqstan Respýblıkasy Azamattyq kodeksiniń, osy Zańnyń normalarynan jáne Qazaqstan Res­pýblıkasynyń ózge de normatıvtik quqyqtyq akti­lerinen turady.
2. Eger Qazaqstan Respýblıkasy ratıfıkasııalaǵan halyqaralyq shartta osy Zańda kózdelgennen ózgeshe qaǵıdalar belgilense, onda halyqaralyq sharttyń qaǵıdalary qoldanylady.

4-bap. Satyp alýdy júzege asyrý qaǵıdattary

Satyp alý:

1) satyp alý úshin paıdalanylatyn aqshany ońtaıly jáne tıimdi jumsaý;

2) ónim berýshilerdiń kommersııalyq qupııaǵa quqyq­taryn jáne (nemese) zańdy múddelerin saqtaı otyryp (tender qorytyndylary shyǵarylǵanǵa deıin) satyp alý prose­siniń ashyqtyǵy men búkpesizdigi;

3) áleýetti ónim berýshiler arasyndaǵy adal báseke­les­tik, satyp alýǵa qatysýshylar arasynda sóz baılasýǵa jol bermeý;

4) satyp alýǵa qatysýshylardyń jaýapkershiligi;

5) sybaılas jemqorlyq kórinisterine jol bermeý;

6) otandyq taýar óndirýshilerge, sondaı-aq jumystar men kórsetiletin qyzmetterdi otandyq berýshilerge Qazaq­stan Respýblıkasy ratıfıkasııalaǵan halyqaralyq shart­tarǵa qaıshy kelmeıtindeı shamada qoldaý kórsetý;

7) ınnovasııalyq jáne joǵary tehnologııalyq taýarlardy, jumystardy, kórsetiletin qyzmetterdi satyp alý;

8) osy Zańda kózdelgen jaǵdaılardan basqa, áleýetti ónim berýshilerge satyp alýdy ótkizý rásimine qatysý úshin teń múmkindikter berý;

9) satyp alynatyn taýarlardaǵy zııatkerlik menshik obek­tilerine quqyqtardy saqtaý qaǵıdattaryna negizde­ledi.

5-bap. Satyp alý prosesi

1. Satyp alý prosesi mynalardy qamtıdy:

1) satyp alý josparyn (aldyn ala, jyldyq, uzaq mer­zimdi) ázirleý jáne bekitý;

2) ónim berýshini tańdaý jáne onymen shart jasasý;

3) shartty oryndaý.

2. Satyp alý prosesi satyp alýdy júzege asyrý qaǵıdalaryna sáıkes satyp alý sanattaryn basqarý jáne qorlardy basqarý rásimderin de qamtýy múmkin.
3. Satyp alý, osy Zańnyń 18-babynda kózdelgen jaǵdaılardy qospaǵanda, satyp alý veb-portaly arqyly júzege asyrylady.

6-bap. Satyp alýdy josparlaý

1.Satyp alýdy josparlaý tıisti bıznes-josparlar jáne (nemese) bıýdjetter jáne (nemese) damý jospar­lary jáne (nemese) jóndeý júrgizý josparlary jáne (nemese) óndiristik baǵdarlamalar jáne (nemese) ınves­tısııalyq baǵdarlamalar jáne (nemese) memlekettik tap­syr­many oryndaýǵa arnalǵan sharttar negizinde júzege asyrylady.

2.Satyp alý jospary (aldyn ala, jyl­­dyq, uzaq merzimdi) satyp alý veb-portalyn­da jarııalanady.

3.Satyp alýdy júzege asyrý qaǵıdalarynda kóz­delgen jaǵdaılardy qospaǵanda, tapsyrys berýshi, satyp alýdy uıymdastyrýshy birtekti emes taýarlardy, ju­mystar men kórsetiletin qyzmetterdi – birtektiligi boıynsha, birtekti taýarlardy – birtekti taýarlardyń túrleri boıynsha jáne berý oryndary boıynsha, bir­tekti jumystardy, kórsetiletin qyzmetterdi olardyń oryndalǵan, kórsetilgen orny boıynsha lottarǵa bólýge mindetti.

4. Birdeı taýarlar tizbesi boıynsha baǵalardy jos­par­laý:

1) satyp alýdy júzege asyrý qaǵıdalaryna sáıkes – Qordy jáne Qordyń uıymdaryn qospaǵanda, kvazı­memlekettik sektordyń jekelegen sýbektileri úshin;

2) Qor aıqyndaǵan tártippen – Qor jáne Qordyń uıymdary úshin aıqyndalatyn baǵalardyń jol beriletin aýytqýy sheginde júzege asyrylady.

Qordy jáne Qordyń uıymdaryn qospaǵanda, kvazımemlekettik sektordyń jekelegen sýbektileri úshin birdeı taýarlardyń tizbesin satyp alý salasyndaǵy ýákiletti organ aıqyndaıdy.

Qor jáne Qordyń uıymdary úshin birdeı taýarlardyń tizbesin Qor aıqyndaıdy.

5. Satyp alý josparyn ázirleý jáne bekitý, oǵan ózge­rister engizý tártibi men merzimderi satyp alýdy júzege asyrý qaǵıdalarynda aıqyndalady.

7-bap. Satyp alýǵa qatysýǵa baılanysty shek­teý­ler

1. Áleýetti ónim berýshi, eger:

1) áleýetti ónim berýshi nemese onyń qosalqy merdigeri (birlesip oryndaýshysy) ne konsorsıýmǵa qatysýshy memlekettik satyp alýǵa josyqsyz qatysý­shylardyń tiziliminde jáne (nemese) satyp alýǵa josy­qsyz qatysýshylardyń tiziliminde jáne (nemese) Qordyń senimsiz áleýetti ónim berýshileriniń (ónim berýshilerdiń) tizbesinde jáne (nemese) ózderine qatysty bankrot dep taný týraly sot sheshimi zańdy kúshine engen boryshkerler tiziminde tursa;

2) «Qylmystyq jolmen alynǵan kiristerdi zańdas­tyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» Qazaqstan Respýblıkasynyń Zańynda belgilengen tártippen áleýetti ónim berýshi jáne (nemese) ol tartatyn qosalqy merdiger (birlesip oryndaýshy) jáne (nemese) olardyń basshysy jáne (nemese) quryltaıshylary (aksıonerleri) terrorızm men ekstremızmdi qarjylandyrýǵa baılanysty uıymdar men tulǵalardyń tizbesine nemese jappaı qyryp-joıý qarýyn taratýdy qarjylandyrýǵa baılanysty uıymdar men tulǵalardyń tizbesine engizilgen bolsa;

3) áleýetti ónim berýshi tirkelgen jeri salyq jáne bıýdjetke tólenetin basqa da mindetti tólemderdiń túsýin qamtamasyz etý salasynda basshylyqty júzege asyratyn ýáki­letti memlekettik organ bekitetin jeńildikti salyq salynatyn memleketterdiń tizbesine engizilgen memleket nemese aýmaq bolatyn zańdy tulǵa bolyp tabylsa, ótkizi­letin satyp alýǵa qatysýǵa quqyly emes.

2. Osy baptyń 1-tarmaǵynda kórsetilgen áleýetti ónim berýshilermen shart jasasýǵa jol berilmeıdi.

8-bap. Áleýetti ónim berýshige qoıylatyn biliktilik talaptary

1. Áleýetti ónim berýshige qoıylatyn biliktilik talap­tary satyp alýdy júzege asyrý qaǵıdalaryna sáıkes aı­qyndalady.
2. Áleýetti ónim berýshi biliktilik talaptaryna ózi­niń sáıkestigin rastaý úshin satyp alýdy júzege asyrý qaǵıdalarynda kózdelgen tıisti qujattardy usynady.
3. Qazaqstan Respýblıkasynyń beırezıdent-áleýetti ónim berýshi satyp alýdy júzege asyrý qaǵıdalarynda bel­gilengen biliktilik talaptaryna óziniń sáıkestigin rastaý úshin Qazaqstan Respýblıkasynyń rezıdentteri usy­natyn naq sondaı qujattardy ne Qazaqstan Respýb­lıkasynyń beırezıdent-áleýetti ónim berýshiniń bilik­tiligi týraly uqsas málimetterdi rastaıtyn qujattardy usy­nady.

9-bap. Áleýetti ónim berýshiniń nemese ónim berýshiniń

anyq emes aqparat berýiniń saldarlary

1. Satyp alý prosesinde anyq emes aqparat bergen áleýetti ónim berýshiler nemese ónim berýshiler satyp alý­dy júzege asyrý qaǵıdalarynda aıqyndalǵan tártip­pen satyp alýǵa josyqsyz qatysýshylardyń tizilimine, Qor­dyń senimsiz áleýetti ónim berýshileriniń (ónim berý­shileriniń) tizbesine engiziledi.
2. Áleýetti ónim berýshi nemese ónim berýshi beretin aqparattyń anyqtyǵyn tapsyrys berýshi, satyp alýdy uıymdastyrýshy, satyp alýdy baqylaý jónindegi ortalyqtandyrylǵan qyzmet, satyp alý salasyndaǵy ýákiletti organ ne memlekettik aýdıt jáne qarjylyq baqylaý organdary satyp alýdy júzege asyrýdyń kez kelgen satysynda anyqtaýy múmkin.
3. Áleýetti ónim berýshiniń nemese ónim berýshiniń anyq emes aqparat berý faktisin anyqtaǵan satyp alýdy baqylaý jónindegi ortalyqtandyrylǵan qyzmet, satyp alý salasyndaǵy ýákiletti organ ne memlekettik aýdıt jáne qarjylyq baqylaý organdary osyndaı fakt anyqtalǵan kúnnen bastap bes jumys kúninen keshiktirmeı, bul týraly:

1) eger mundaı fakt satyp alý qorytyndylary shy­ǵarylǵannan keıin anyqtalsa, tapsyrys berýshini;

2) eger mundaı fakt satyp alý qorytyndylary shyǵarylǵanǵa deıin anyqtalsa, tapsyrys berýshini, satyp alýdy uıymdastyrýshyny jazbasha habardar etedi.

Bul rette jazbasha habarlamaǵa osy faktini rastaıtyn qujattardyń kóshirmeleri qosa berilýge tıis.

10-bap. Satyp alýǵa josyqsyz qatysýshylardyń tizi­­limi

1. Satyp alýǵa josyqsyz qatysýshylardyń tizili­mi elek­trondyq satyp alý aqparattyq júıesinde qalyptas­tyrylady.
2. Satyp alýǵa josyqsyz qatysýshylardyń tizilimi:

1) jeńimpaz dep aıqyndalǵan, biraq shart jasasýdan jaltarǵan áleýetti ónim berýshilerdiń;

2) biliktilik talaptary jáne (nemese) konkýrstyq baǵa usynysyna áser etetin qujattar boıynsha anyq emes aqparat bergen áleýetti ónim berýshilerdiń nemese ónim berýshilerdiń;

3) ózderimen jasalǵan sharttar boıynsha óz mindet­temelerin oryndamaǵan ne tıisinshe oryndamaǵan ónim berýshilerdiń tizbesin bildiredi.

Osy tarmaqtyń birinshi bóliginiń 1) tarmaqshasynda kórsetilgen jaǵdaıda, tapsyrys berýshi áleýetti ónim berýshiniń shart jasasýdan jaltarǵan kúninen bastap on jumys kúni ishinde osyndaı áleýetti ónim berýshi týraly málimetterdi satyp alýdy baqylaý jónindegi ortalyqtandyrylǵan qyzmetke jiberýge mindetti.

Osy tarmaqtyń birinshi bóliginiń 2) tarmaqshasynda kórsetilgen jaǵdaıda, tapsyrys berýshi, satyp alýdy uıymdastyrýshy buzýshylyq faktisi týraly ózderine málim bolǵan kúnnen bastap kúntizbelik otyz kúnnen keshiktirmeı, sotqa osyndaı áleýetti ónim berýshini nemese ónim berýshini satyp alýǵa josyqsyz qatysýshy dep taný týraly talap qoıýmen júginýge mindetti.

Osy tarmaqtyń birinshi bóliginiń 3) tarmaqshasynda kórsetilgen jaǵdaıda, tapsyrys berýshi ónim berýshiniń shart­ty buzý faktisi týraly ózine málim bolǵan kúnnen bastap kúntizbelik otyz kúnnen keshiktirmeı, ónim berýshi turaqsyzdyq aıybyn (aıyppuldy, ósimpuldy) tólegen jáne ol sharttyq mindettemelerdi tolyq oryndaǵan jaǵdaılardy qospaǵanda, sotqa osyndaı ónim berýshini satyp alýǵa josyqsyz qatysýshy dep taný týraly talap qoıýmen júginýge mindetti.

3. Kelisý komıssııasy áleýetti ónim berýshiniń jol­danymyn qaraıdy jáne áleýetti ónim berýshini satyp alý­ǵa josyqsyz qatysýshylardyń tiziliminen merziminen buryn shyǵarý nemese merziminen buryn shyǵarýdan bas tartý týraly sheshim qabyldaıdy.
4. Satyp alýǵa josyqsyz qatysýshylardyń tizilimi:

osy baptyń 2-tarmaǵy birinshi bóliginiń 1) tar­maqshasynda kózdelgen jaǵdaıda, satyp alýdy baqylaý jónindegi ortalyqtandyrylǵan qyzmettiń sheshimi;

osy baptyń 2-tarmaǵy birinshi bóliginiń 2) jáne 3) tarmaqshalarynda kózdelgen jaǵdaılarda, zańdy kúshine engen sot sheshimi negizinde qalyptastyrylady.

5. Osy baptyń 2-tarmaǵy birinshi bóliginiń

1) tarmaq­shasynda kózdelgen negiz boıynsha satyp alýǵa josyqsyz qatysýshylardyń tizilimine engizilgen áleýetti ónim berýshiler olardy satyp alýǵa josyqsyz qatysýshylar dep taný týraly sheshim qabyldanǵan kúnnen bastap jıyrma tórt aı boıy satyp alýǵa qatysýǵa jiberilmeıdi.

Osy baptyń 2-tarmaǵy birinshi bóliginiń 2) jáne 3) tarmaqshalarynda kózdelgen negizder boıynsha satyp alýǵa josyqsyz qatysýshylardyń tizilimine engizilgen áleýetti ónim berýshiler nemese ónim berýshiler osyndaı áleýetti ónim berýshilerdi nemese ónim berýshilerdi satyp alýǵa josyqsyz qatysýshylar dep taný týraly sot sheshimi zańdy kúshine engen kúnnen bastap jıyrma tórt aı boıy satyp alýǵa qatysýǵa jiberilmeıdi.

Satyp alýǵa josyqsyz qatysýshylardyń tiziliminen shyǵarý úshin mynalar negizder bolyp tabylady:

1) osy tarmaqtyń birinshi jáne ekinshi bólikterinde belgilengen merzimniń ótýi;

2) áleýetti ónim berýshini nemese ónim berýshini satyp alýǵa josyqsyz qatysýshy dep taný týraly sheshimniń kúshin joıý týraly zańdy kúshine engen sot aktisiniń bolýy;

3) kelisý komıssııasynyń áleýetti ónim berýshini satyp alýǵa josyqsyz qatysýshylardyń tiziliminen merziminen buryn shyǵarý týraly sheshimi.

6. Áleýetti ónim berýshini nemese ónim berýshini satyp alýǵa josyqsyz qatysýshylardyń tizilimine engizý týraly sheshimge ol Qazaqstan Respýblıkasynyń zańnamasyna sáıkes shaǵym jasaı alady.

11-bap. Satyp alýdy júzege asyrý tásilderi

1. Satyp alý:

1) tender;

2) aýksıon;

3) baǵa usynystaryn suratý;

4) bir kózden alý tásilderimen;

5) taýar bırjalary arqyly;

6) elektrondyq dúken arqyly;

7) holdıngishilik kooperasııa sheńberinde júzege asyrylady.

2. Osy baptyń 1-tarmaǵynda kózdelgen tásildermen satyp alýdy júzege asyrý tártibi satyp alýdy júzege asyrý qaǵıdalarynda aıqyndalady.
3. Osy baptyń 1-tarmaǵynyń 1) jáne 3) tarmaqsha­larynda kózdelgen tásildermen satyp alý satyp alýdy júzege asyrý qaǵıdalaryna sáıkes aldyn ala biliktilikti irik­teý qoldanyla otyryp júrgizilýi múmkin.
4. Osy baptyń 1-tarmaǵynyń 2) tarmaqshasynda kózdelgen tásilmen satyp alý Qor jáne Qordyń uıymdary satyp alýdy júzege asyrǵan kezde qoldanylmaıdy.
5. Osy baptyń 1-tarmaǵynyń 5) tarmaqshasynda kóz­delgen satyp alý tásili saýda qyzmetin retteý sala­syndaǵy ýákiletti organ bekitken bırjalyq taýarlar tiz­besine qoldanylady.
6. Osy baptyń 1-tarmaǵynyń 7) tarmaqshasynda kózdelgen satyp alý tásili Qordyń jáne Qor uıym­darynyń satyp alýyna ǵana qoldanylady.
7. Satyp alýdy júzege asyrý tásilin tapsyrys berýshi osy Zańǵa, satyp alýdy júzege asyrý qaǵıdalaryna sáıkes aıqyndaıdy.
8. Satyp alýdy júzege asyrý kezinde:

1) mynadaı:

negizgi (ornatylǵan) jabdyqty qosymsha jınaqtaý, qosymsha jaraqtaý, birizdendirý nemese onyń qolda

bar taýarlarmen, jumystarmen jáne kórsetiletin qyzmettermen úılesimdiligin qamtamasyz etý úshin, sondaı-aq odan ári tehnıkalyq qoldap otyrý, oǵan servıstik qyzmet kórsetý jáne jóndeý, onyń ishinde josparly jóndeý (qajet bolǵan kezde) úshin taýarlardy, jumystar men kórsetiletin qyzmetterdi satyp alý;

eger Qordyń satyp alýyn júzege asyrý tártibine sáıkes ázirlengen jáne bekitilgen satyp alý sanattyq strategııasynda ózgeshe kózdelýi;

tapsyrys berýshiniń ónim berýshi retinde Qazaqstan Respýblıkasynyń beırezıdentimen ózi jasasqan shart boıynsha mindettemelerdi oryndaýy úshin taýar­lardy, jumystar men kórsetiletin qyzmetterdi satyp alý jáne osy shartta taýar belgilerine, qyzmet kór­setý belgilerine, fırmalyq ataýlarǵa, patentterge, paı­daly modelderge, ónerkásiptik úlgilerge, taýardyń shyǵa­rylǵan jeriniń ataýyna jáne óndirýshiniń ataýyna, son­daı-aq satyp alynatyn taýarlardyń, jumystardyń, kór­setiletin qyzmetterdiń jekelegen áleýetti ónim berý­shige ne óndirýshige tıesililigin aıqyndaıtyn ózge de málimetterge jáne (nemese) qujattarǵa tıisti nusqaý­lardyń bolýy jaǵdaılaryn qospaǵanda, tenderlik qujat­tamada (aýksıondyq qujattamada) áleýetti ónim berýshilerge satyp alýdy júzege asyrý qaǵıdalarynda kózdelmegen biliktilik talaptaryn belgileýge ne tender­lik qujattamada (aýksıondyq qujattamada) nemese baǵa usynystaryn suratý tásilimen satyp alýdy júzege asyrý kezinde ornalastyrylatyn aqparatta satyp alynatyn taýar­lardyń, jumystardyń, kórsetiletin qyzmetterdiń jeke­legen áleýetti ónim berýshilerge tıesililigin aıqyn­daıtyn sıpattamalarǵa nusqaý jasaýǵa;

2) satyp alýdy júzege asyrý qaǵıdalarynda kózdel­megen jaǵdaılarda satyp alýdy júzege asyrýdan bas tartýǵa;

3) satyp alýdy júzege asyrý qaǵıdalarynda kózdel­megen negizder boıynsha áleýetti ónim berýshini jáne (nemese) ol tartatyn jumystardy oryndaý boıynsha qosal­qy merdigerlerdi ne qyzmetterdi kórsetý boıynsha bir­lesip oryndaýshylardy biliktilik talaptaryna jáne (nemese) tenderlik qujattamanyń (aýksıondyq qujat­tamanyń) talaptaryna sáıkes kelmeıdi dep tanýǵa;

4) satyp alýdy júzege asyrý qaǵıdalarynda kózdel­gen jaǵdaılardy qospaǵanda, satyp alýdy júzege asy­rý kezinde birtekti emes taýarlardy, jumystar men kór­setiletin qyzmetterdi – birtektiligi boıynsha, birtekti taýar­lardy – birtekti taýarlardyń túrleri boıynsha jáne berý oryndary boıynsha, birtekti jumystardy, kór­setiletin qyzmetterdi olardyń oryndalǵan, kórsetil­gen orny boıynsha lottarǵa bólmeýge;

5) satyp alý boıynsha saraptama komıssııasynyń ne satyp alý jónindegi sarapshynyń tenderlik komıssııanyń (aýksıondyq komıssııanyń) zańsyz sheshim qabyldaýyna negiz bolatyn kórineý jalǵan saraptamalyq qorytyndy daıyndaýyna;

6) satyp alýdy júzege asyrý qaǵıdalarynda kózdel­megen jaǵdaılarda bir kózden alý tásilimen satyp alýdy júzege asyrýǵa;

7) áleýetti ónim berýshiden tenderlik qujattamada kózdel­megen qujattardy usynýdy talap etýge jol berilmeıdi.

12-bap. Shartty jasasý jáne oryndaý

1. Shartty jasasý jáne oryndaý osy Zańǵa, Qazaqstan Respýblıkasynyń azamattyq zańnamasyna, satyp alýdy jú­zege asyrý qaǵıdalaryna sáıkes júzege asyrylady.
2. Sharttyń taraptaryna qatysty tepe-teńdik negizde shart boıynsha mindettemelerdi oryndamaǵany ne tıisin­she oryndamaǵany úshin jaýaptylyq kózdelýge tıis.

Shartta taýarlardyń berilgeni, jumystardyń oryndalǵany ne qyzmetterdiń kórsetilgeni úshin osy shart­ boıynsha mindettemeler oryndalǵan kúnnen bastap otyz jumys kúninen aspaıtyn merzimde tolyq aqy tóleý týra­ly talaptar qamtylýǵa tıis.

3. Satyp alýdy júzege asyrý qaǵıdalarynda kózdel­gen jaǵdaılarda taraptardyń ózara kelisýi boıynsha shart­­tyń jobasyna ne jasalǵan shartqa ózgerister en­gizýge jol beriledi.
4. Sharttyń jobasyna ne jasalǵan shartqa ótkiziletin (ótkizilgen) satyp alý talaptarynyń mazmunyn ózgertýi múmkin ózgeristerdi engizýge jol berilmeıdi.

5.Ofteık-kelisimsharttardy Qordy jáne Qordyń uıym­daryn qospaǵanda, kvazımemlekettik sektordyń jekelegen sýbektileri satyp alý salasyndaǵy ýákiletti organ aıqyndaǵan tártippen jasaıdy.

Ofteık-kelisimsharttardy Qor jáne Qordyń uıymda­ry Qor aıqyndaǵan tártippen jasaıdy.

Jasalǵan ofteık-kelisimshartqa satyp alý kólemin azaıtý jáne kelisimsharttyń baǵasyn tómendetý boıynsha ózgeristerdi birjaqty tártippen engizýge jol berilmeıdi.

13-bap. Satyp alý salasyndaǵy ýákiletti organnyń quzyreti

Satyp alý salasyndaǵy ýákiletti organ:

1) Qordy jáne Qordyń uıymdaryn qospaǵanda, kvazı­memlekettik sektordyń jekelegen sýbektileriniń satyp alý veb-portaldaryn aıqyndaıdy;

2) Qordy jáne Qordyń uıymdaryn qospaǵanda, kvazı­memlekettik sektordyń jekelegen sýbektileriniń satyp alý veb-portaldarynyń jumys isteý, onyń ishinde veb-por­taldar jumysynda tehnıkalyq irkilister týyndaǵan jaǵdaıda jumys isteý qaǵıdalaryn bekitedi;

3) satyp alýdy júzege asyrý qaǵıdalaryna sáıkes satyp alýǵa qatysýshylardan qajetti aqparat pen materıaldardy suratady;

4) saraptamalar jáne konsýltasııalar júrgizý úshin memlekettik organdar men ózge de uıymdardyń mamandaryn tartady;

5) Qordy jáne Qordyń uıymdaryn qospaǵanda, kvazımemlekettik sektordyń jekelegen sýbektileri úshin satyp alý máseleleri boıynsha, onyń ishinde tıisti sala­lardyń ýákiletti organdarymen kelisý boıynsha ádistemelik usynymdardy ázirleıdi jáne bekitedi;

6) Qordy jáne Qordyń uıymdaryn qospaǵanda, kvazımemlekettik sektordyń jekelegen sýbektileriniń satyp alýy salasynda tizilimderdi qalyptastyrý jáne júrgizý qaǵıdalaryn bekitedi;

7) Qordyń satyp alýyn baqylaý jónindegi ortalyq­tandyrylǵan qyzmetti qospaǵanda, satyp alýdy baqylaý jónindegi ortalyqtandyrylǵan qyzmet júzege asyratyn baqylaý júrgizý qaǵıdalaryn ázirleıdi jáne bekitedi;

8) kvazımemlekettik sektordyń jekelegen sýbek­tileriniń satyp alýdy júrgizýi kezinde ákimshilik quqyq buzý­shylyqtar týraly isterdi qozǵaıdy jáne qaraıdy jáne Qazaqstan Respýblıkasynyń Ákimshilik quqyq buzýshylyq týraly kodeksinde belgilengen tártippen ákimshilik jazalar qoldanady;

9) Qordy jáne Qordyń uıymdaryn qospaǵanda, kvazımemlekettik sektordyń jekelegen sýbektileri úshin ofteık-kelisimshartty jasasý jáne oryndaý tártibin bekitedi;

10) Qordyń jáne Qor uıymdarynyń ofteık-kelisim­shartty jasasý jáne oryndaý tártibin kelisedi;

11) osy Zańda, Qazaqstan Respýblıkasynyń ózge de zań­darynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady.

14-bap. Kvazımemlekettik sektordyń jekelegen sýbek­tileriniń satyp alý salasyndaǵy quzyreti

1. Qor Qordyń jáne Qor uıymdarynyń satyp alý máseleleri boıynsha baqylaýdy jáne ádistemelik bas­shylyqty, monıtorıngti jáne taldaýdy júzege asyrady.
2. Qor mynadaı fýnksııalardy júzege asyrady:

1) Qordyń jáne Qor uıymdarynyń satyp alý veb-portalyn aıqyndaıdy;

2) Qordyń jáne Qor uıymdarynyń satyp alý veb-portalynyń jumys isteý, onyń ishinde veb-portal jumysynda tehnıkalyq irkilister týyndaǵan jaǵdaıda jumys isteý qaǵıdalaryn bekitedi;

3) Qordyń jáne Qor uıymdarynyń satyp alý sala­syndaǵy tizilimderdi, tizbelerdi qalyptastyrý jáne júr­gizý qaǵıdalaryn bekitedi;

4) Qordyń jáne Qor uıymdarynyń ofteık-kelisim­shartty jasasý jáne oryndaý tártibin bekitedi;

5) Qordyń jáne Qor uıymdarynyń satyp alýyn baqy­laý jónindegi ortalyqtandyrylǵan qyzmettiń fýnk­sııalaryn júzege asyratyn Qordyń qurylymdyq bólim­shesin aıqyndaıdy;

6) osy Zańda, Qazaqstan Respýblıkasynyń ózge de zańdarynda, Qordyń jarǵysynda jáne Qordyń satyp alýyn júzege asyrý tártibinde belgilengen ózge de óki­lettikterdi júzege asyrady.

3. Qordyń Dırektorlar keńesi:

1) Qordyń satyp alýyn júzege asyrý tártibin beki­tedi;

2) Qordyń satyp alýyn júzege asyrýyna baqylaý júrgizý qaǵıdalaryn bekitedi.

4. Tapsyrys berýshiniń ne satyp alýdy uıymdas­tyrýshynyń birinshi basshysy, birinshi basshysynyń orynbasary nemese ózge de basshysy satyp alý jónindegi komıs­sııanyń tóraǵasy bolyp taǵaıyndalady.

15-bap. Qazaqstan Respýblıkasynyń kvazımemlekettik sektordyń jekelegen sýbektileriniń satyp alýy týraly zańnamasy talaptarynyń saqtalýyn baqylaý

1. Kvazımemlekettik sektordyń jekelegen sýbekti­leriniń osy Zańnyń talaptaryn jáne satyp alýdy júzege asyrý qaǵıdalaryn saqtaýyn baqylaýdy satyp alýdy baqylaý jónindegi ortalyqtandyrylǵan qyzmet jáne satyp alý salasyndaǵy ýákiletti organ júrgizedi.
2. Qordy jáne Qordyń uıymdaryn qospaǵanda, kva­zımemlekettik sektordyń jekelegen sýbektileriniń satyp alýyn baqylaý jónindegi ortalyqtandyrylǵan qyzmet óz jumysynda kvazımemlekettik sektor sýbek­tisiniń dırektorlar keńesine esep beredi, ol sa­typ alýdy baqylaý jónindegi ortalyqtandyrylǵan qyz­mettiń sandyq quramyn, ókilettik merzimin, jumys tár­tibin aıqyndaıdy, onyń basshysyn taǵaıyndaıdy jáne ókilettigin toqtatady, onyń jumyskerleriniń eńbegine aqy tóleýdiń mólsheri men ózge de sharttaryn aıqyndaıdy.

Qordyń jáne Qor uıymdarynyń satyp alýyn baqylaý jónindegi ortalyqtandyrylǵan qyzmet tikeleı Qordyń basqarmasyna baǵynady. Baqylaýdy júzege asyrý tártibi Qordyń satyp alýyn júzege asyrýyna baqylaý júrgizý qaǵıdalarynda aıqyndalady.

3. Mynalar baqylaý obektileri bolyp tabylady:

1) tapsyrys berýshi, satyp alýdy uıymdastyrýshy, ten­derlik komıssııa (aýksıondyq komıssııa), satyp alý jónindegi saraptama komıssııasy, satyp alý jónindegi sarapshy;

2) ótkiziletin satyp alý nysanasy sheginde áleýetti ónim berýshi, ónim berýshi, sondaı-aq olar jumystardy oryn­daý boıynsha qosalqy merdigerler ne qyzmetterdi kór­setý boıynsha birlesip oryndaýshylar retinde tar­tatyn tulǵalar;

3) elektrondyq satyp alý aqparattyq júıesiniń operatory.

4. Satyp alýdy júzege asyrý qaǵıdalarynyń saq­talýyna baqylaý júrgizýge mynalar negiz bolyp tabylady:

1) tenderge ne aýksıonǵa qatysatyn (qatysqan) áleýet­ti ónim berýshiniń nemese ónim berýshiniń ne onyń ýákiletti ókiliniń tapsyrys berýshiniń, satyp alýd­y uıymdastyrýshynyń ne tenderlik komıssııanyń (aýk­sıondyq komıssııanyń), satyp alý jónindegi saraptama komıssııasynyń, satyp alý jónindegi sarapshynyń, elek­trondyq satyp alý aqparattyq júıesi operatorynyń áre­ketterine (áreketsizdigine), sheshimderine shaǵym jasalǵan jazbasha joldanymy ne jalpyǵa birdeı qoljetimdi aqparattyq júıeler arqyly kelip túsken jáne Qazaqstan Respýblıkasynyń elektrondyq qujat jáne elektrondyq sıfrlyq qoltańba týraly zańnamasynyń talaptaryna sáıkes keletin joldanymy;

2) quqyq qorǵaý organdarynyń kelip túsken qaý­lylary;

3) satyp alýdy baqylaý jónindegi ortalyqtandyrylǵan qyzmettiń tekserý júrgizý jospary.

5. Satyp alýdy baqylaý jónindegi ortalyq­tan­dyrylǵan qyzmet baqylaý nátıjeleri boıynsha satyp alýdy júzege asyrý qaǵıdalaryn buzýshylyqtardy anyq­taǵan kezde baqylaý obektisine:

1) buzýshylyqtar anyqtalǵan kúnnen bastap úsh jumys kúninen keshiktirmeı, buzýshylyqtardy joıý týra­ly oryndalýy mindetti habarlamany;

2) anyqtalǵan buzýshylyqtardy jáne olardyń týyndaý sebepterin joıý jónindegi usynymdardy qamtıtyn, oryndalýy mindetti josparly tekserý aktisin jiberedi.

6. Baqylaý nátıjeleri boıynsha baqylaý obektisiniń qylmys­tyq quqyq buzýshylyq quramynyń belgileri bar áreketti (áreketsizdikti) jasaý faktisi anyqtalǵan kezde satyp alýdy baqylaý jónindegi ortalyqtandyrylǵan qyzmet osyndaı fakt anyqtalǵan kúnnen bastap bes jumys kúni ishinde kórsetilgen árekettiń (áreketsizdiktiń) jasalǵany týraly aqparatty jáne osyndaı faktini rastaıtyn qujattardy quqyq qorǵaý organdaryna berýge mindetti.
7. Satyp alýdy baqylaý jónindegi ortalyqtan­dy­rylǵan qyzmet buzýshylyqtardy joıý týraly habar­lamany jibergen jaǵdaıda, baqylaý obektisi habarlamada kórsetilgen buzýshylyqtardy osyndaı habarlama tabys etilgen (alynǵan) kúnnen keıingi kúnnen bastap on jumys kúni ishinde joıýǵa mindetti.
8. Baqylaý nátıjeleri boıynsha anyqtalǵan buzý­shy­lyqtardy joıý týraly habarlama osy baptyń 7-tarmaǵynda kórsetilgen merzimde oryndalmaǵan jaǵdaıda, satyp alýdy baqylaý jónindegi ortalyq­tan­dyrylǵan qyzmet materıaldardy satyp alý salasyndaǵy ýákiletti organǵa beredi.

16-bap. Tapsyrys berýshiniń, satyp alýdy uıymdas­tyrýshynyń, tenderlik komıssııanyń (aýksıondyq komıssııanyń), satyp alý jónindegi sarapshynyń, satyp alý jónindegi saraptama komıssııasynyń, elektrondyq satyp alý aqparattyq júıesi operatorynyń áreketterine (áreketsizdigine), sheshimderine, satyp alýdy baqylaý jónindegi ortalyqtandyrylǵan qyzmettiń sheshimine shaǵym jasaý

1. Eger tapsyrys berýshiniń, satyp alýdy uıym­dastyrýshynyń, tenderlik komıssııanyń (aýksıondyq komıs­sııanyń), satyp alý jónindegi sarapshynyń, satyp alý jónindegi saraptama komıssııasynyń, elektrondyq satyp alý aqparattyq júıesi operatorynyń áreketteri (áreketsizdigi), sheshimderi áleýetti ónim berýshiniń, ónim berýshiniń quqyqtaryn jáne (nemese) zańdy múddelerin buzsa, áleýetti ónim berýshi, ónim berýshi olardyń áre­ketterine (áreketsizdigine), sheshimderine shaǵym jasaýǵa quqyly.
2. Eger tapsyrys berýshiniń, satyp alýdy uıymdas­tyrýshynyń, tenderlik komıssııanyń (aýksıondyq komıssııanyń), satyp alý jónindegi sarapshynyń, satyp alý jónindegi saraptama komıssııasynyń, elektrondyq satyp alý aqparattyq júıesi operatorynyń áreketteri (áreketsizdigi), sheshimderi áleýetti ónim berýshiniń quqyqtaryn jáne (nemese) zańdy múddelerin buzsa, áleýetti ónim berýshi ótinimder, baǵa usynystary ashylǵan kúnge deıin olardyń áreketterine (áreketsizdigine), sheshimderine shaǵym jasaýǵa quqyly.
3. Eger tapsyrys berýshiniń, satyp alýdy uıymdas­tyrýshynyń, tenderlik komıssııanyń (aýksıondyq komıssııanyń), satyp alý jónindegi sarapshynyń, satyp alý jónindegi saraptama komıssııasynyń, elektrondyq satyp alý aqparattyq júıesi operatorynyń áreketteri (áreketsizdigi), sheshimderi satyp alýǵa qatysqan áleýetti ónim berýshiniń quqyqtaryn jáne (nemese) zańdy múddelerin buzsa, satyp alýǵa qatysqan áleýetti ónim berýshi satyp alý qorytyndylary týraly hattama jarııalanǵan kúnnen bastap eki jumys kúni ishinde olar­dyń áreketterine (áreketsizdigine), sheshimderine shaǵym jasaýǵa quqyly.
4. Tenderlik komıssııa tender nátıjelerimen kelis­pegen áleýetti ónim berýshiniń joldanymyna ýájdi sheshim usynýǵa mindetti.
5. Osy baptyń 2 jáne 3-tarmaqtarynda kózdelgen jaǵ­daılarda, shart jasasý merzimi shaǵymdy qaraý merzimi aıaqtalǵanǵa deıin toqtatyla turady.
6. Osy baptyń 2 jáne 3-tarmaqtarynda belgilengen merzimder ótken soń tapsyrys berýshiniń, satyp alýdy uıymdastyrýshynyń, tenderlik komıssııanyń (aýksıondyq komıssııanyń), satyp alý jónindegi sarapshynyń, satyp alý jónindegi saraptama komıs­sııasynyń, elektrondyq satyp alý aqparattyq júıe­si operatorynyń áreketterine (áreketsizdigine), she­shim­derine satyp alýdy baqylaý jónindegi orta­lyqtandyrylǵan qyzmetke shaǵym jasaý Qazaqstan Respýb­lıkasynyń zańdaryna sáıkes júzege asyrylady.
7. Áleýetti ónim berýshiniń, ónim berýshiniń shaǵymy Qazaqstan Respýblıkasynyń elektrondyq qujat jáne elektrondyq sıfrlyq qoltańba týraly zańnamasyna sáıkes satyp alý veb-portaly arqyly berilýi múmkin.
8. Osy baptyń 2 jáne 3-tarmaqtarynda belgi­len­gen merzimderde kelip túsken shaǵymdy qaraý nátı­jeleri boıynsha satyp alýdy baqylaý jónin­degi ortalyqtandyrylǵan qyzmet satyp alý qorytyn­dylarynyń kúshin joıý jáne (nemese) olardy qaıta qaraý ne olardyń kúshin joıýdan jáne (nemese) olardy qaıta qaraýdan bas tartý týraly sheshim qabyldaıdy.

Satyp alý qorytyndylarynyń kúshin joıý jáne (nemese) olardy qaıta qaraý qajettiliginiń joqty­ǵy týraly tujyrymdardy qamtıtyn, satyp alý qorytyn­dylarynyń kúshin joıýdan jáne (nemese) olardy qaıta qaraýdan bas tartý týraly ýájdi negizdemesi bar sheshim osyndaı sheshim qabyldanǵan kúnnen bastap kúntizbelik úsh kún ishinde ótinish berýshige jiberiledi.

9. Satyp alýdy baqylaý jónindegi ortalyqtandy­rylǵan qyzmettiń osy baptyń 8-tarmaǵyna sáıkes qabyldanǵan sheshimimen kelispegen jaǵdaıda, áleýetti ónim berýshi oǵan sotqa shaǵym jasaýǵa quqyly.

17-bap. Qazaqstan Respýblıkasynyń kvazımemlekettik sektordyń jekelegen sýbektileriniń satyp alýy týraly zańnamasynyń talaptaryn buzǵany úshin jaýaptylyq

Qazaqstan Respýblıkasynyń kvazımemlekettik sektordyń jekelegen sýbektileriniń satyp alýy týraly zańnamasynyń talaptaryn buzý Qazaqstan Respýblıkasynyń zańdarynda belgilengen jaýaptylyqqa alyp keledi.

18-bap. Satyp alýdy júzege asyrýdyń erekshe tártibi

1. Málimetteri memlekettik qupııalardy quraıtyn jáne (nemese) Qazaqstan Respýblıkasynyń Úkimeti aıqyn­daǵan, taralýy shekteýli qyzmettik aqparatty qamtıtyn, sondaı-aq Qazaqstan Respýblıkasynyń qor­ǵanys ónerkásibi jáne memlekettik qorǵanystyq tapsyrys týraly zańnamasyna sáıkes memlekettik qorǵanystyq tapsyrys sheńberinde taýarlardy, jumystardy, kórsetiletin qyzmetterdi satyp alǵan jaǵdaılarda jáne satyp alýdy júzege asyrý qaǵıdalarynda kózdelgen jaǵdaılarda, erekshe tártip qoldanylatyn satyp alý júzege asyrylady.
2. Erekshe tártip satyp alýdy júzege asyrý qaǵıda­larynda aıqyndalady.
3. Erekshe tártip qoldanylatyn satyp alý satyp alý veb-portaly paıdalanylmaı júzege asyrylady.

19-bap. Osy Zańdy qoldanysqa engizý tártibi

Osy Zań, 2023 jylǵy 1 qańtardan bastap qoldanysqa engiziletin 6-baptyń 4-tarmaǵyn qospaǵanda, 2022 jylǵy 1 qańtardan bastap qoldanysqa engiziledi.

Qazaqstan Respýblıkasynyń Prezıdenti

Q. TOQAEV

Nur-Sultan, Aqorda, 2021 jylǵy 8 maýsym  

№ 47-VII  QRZ