Basqarma málimetinshe, qazir Almatyda «Spýtnık V» vaksınasynyń ekinshi komponenti jetkilikti deńgeıde. Máselen, 4 transhtan – 446, 5 tarnshtan – 634, 6 transhtan – 2091, 7 transhtan – 7152 doza qalǵan.
«Qala boıynsha «Spýtnık V» vaksınasynyń ekinshi komponenti №4 qalalyq emhanada, Mega oıyn-saýyq ortalyǵynda, №29 qalalyq emhanada jáne ózge de medısınalyq uıymdarda bar. Ekpe salý oryndarynda vaksınanyń biri bitip qalsa, naýqas basqa vaksına pýnktine jiberiledi», dep habarlady vedomstvadan.
Qala boıynsha kúnine 1200-3000 deıin adam vaksınanyń 1 jáne 2-shi komponentin saldyrady. Basym kópshiligi vaksınanyń 2-shi komponentin alyp jatyr. 2-shi komponenttiń qorda turǵan 13 688 dozasy 6-7 kúnge ǵana jetedi. Medısına ortalyǵynyń kópshiliginde 30-dan 300-ge deıin ǵana doza bar.
«45 serııa boıynsha sapa jáne qaýipsizdik sertıfıkaty ákelindi. Sondyqtan búginnen bastap «Spýtnık V» vaksınasy ekinshi komponentiniń 36 myń dozasy Almatynyń ekpe oryndaryna jetkiziledi», dep túsindirdi basqarmadaǵylar.
