Kezdesý barysynda taraptar eki el arasyndaǵy yntymaqtasty aıta kelip, Shymkentte toqyma ónerkásibin damytý jaıyn sóz qyldy.
«Shymkent – damyǵan ınfraqurylymy, baı tabıǵı jáne eńbek resýrstary bar Qazaqstannyń ekonomıkasy damyǵan úshinshi megapolısi. Qala Ortalyq Azııada ınvestısııalar men tehnologııalardy tartýdyń jańa ortalyǵyna aınalýy úshin zor áleýetke ıe. О́ńirlik bóliniste qalanyń jeńil ónerkásiptegi óndiris kólemi 9,6 mlrd.teńgeni qurap (jyl basynan bastap) elimizde birinshi oryn alyp, ótken jylmen salystyrǵanda 134,1%-ǵa ulǵaıdy. Qala óndirisiniń jalpy kólemindegi jeńil ónerkásiptiń úlesi 3,9%-dy, eldegi jeńil ónerkásiptiń úlesi – 20,7%-dy quraıdy», degen qala ákimi jańa jobalardy birlese jasaýǵa shaqyrdy.
Al reseılik kásipker «Ońtústik» AEA-da ornalasqan «Azala Cotton» toqyma fabrıkasynyń jumysymen tanysqanyn aıta kele, ortaq jumys jasaýǵa múddelilik tanytatynyn bildirdi.
Aıta ótsek, aýmaǵy 200 gektardy alyp jatqan «Ońtústik» arnaıy ekonomıkalyq aımaǵy 2005 jyly qurylǵan bolatyn. Búginde ekonomıkalyq aımaqtyń aýmaǵynda ınvestısııa kólemi 42,95 mlrd teńge bolatyn 25 joba júzege asyrylyp jatyr. 2293 turaqty jumys orny ashyldy.
Rezıdentter úshin tegin jer ýchaskesi, jer salyǵyn, múlik salyǵyn jáne korporatıvtik tabys salyǵyn tóleýden bosatý túrinde ınvestısııalyq jeńildikter men preferensııalar kózdelgen. 100 paıyz ınfraqurylymmen qamtylǵan.
Sondaı-aq AEA aýmaǵynda sýmen jabdyqtaý jáne elektr energııasyna tarıfter Shymkent qalasynda jalpy belgilengen tarıfterden aıtarlyqtaı tómen ekenin atap ótken jón.
