«Marqum bolǵan Elvıra Myqtybektiń emtıhan kezinde shyǵarǵan esepteriniń bárin qarap jatyrmyz. Zerdeleý júrip jatyr. Qorytyndysyn, nátıjesin bitkennen keıin aıtamyz. Bizben birge qazir tergeý oryndary da jumys júrgizip jatyr. Sondaı-aq mekteptiń jaǵdaıy búginge deıingi, moraldyq psıhologııalyq jaǵdaıy, qaıǵyly oqıǵanyń neden týyndaǵanyn, sonyń bárin qortyndysymen aıtamyz», deıdi Túrkistan oblystyq Adamı áleýetti damytý basqarmasynyń bólim basshysy Álibek Kenjebaev.
Qazir osy oqıǵa boıynsha óńirdiń Polısııa departamenti «О́zin-ózi óltirýge deıin jetkizý» babymen qylmystyq is qozǵap, tergeý amaldaryn júrgizýde. Tergeýshiler oqıǵa bolǵan kúnnen beri aýyl mektebinde ata-analar, oqýshylar men mektep ujymynan jappaı jaýap alýda. О́ńirdiń bas polıseıi Qaırat Dálbekov osy isti óz baqylaýyna alǵanyn habarlady.
«Ata-ana úshin balasynyń qazasy qanshalyqty qabyrǵany qaıystyratynyn jaqsy túsinemin jáne sizderdiń qaıǵylaryńyzǵa ortaqpyn. Sondyqtan aıtaıyn degenim, bul is meniń jeke baqylaýymda tur. Qyzmetkerlerge tııanaqty tapsyrmalar berildi. Iаǵnı, atalǵan jaıt boıynsha Túrkistan oblysy Polısııa departamentiniń bilikti tergeýshilerimen QR QK-niń 105-baby «О́zin-ózi óltirýge deıin jetkizý» boıynsha sotqa deıingi tergeý jumystary júrgizilýde jáne qajetti degen barlyq jan-jaqty sharalar júzege asyrylýda. Onyń ishinde mektep ujymynan, muǵalimder men oqýshylardan jaýaptar alynýda. Tıisti saraptamalar da taǵaıyndaldy. Istiń zań aıasynda júrgizilýi qadaǵalaýda», delingen Qaırat Dálbekovtyń habarlamasynda.
