«Assambleıa quramy 523 músheden turady. Onyń ishinde ortalyq deńgeıde – 105, óńirlik deńgeıde 418 múshesi bar. Osylaısha, Assambleıanyń óńirlik quramdaýyshyn, sondaı-aq jastar segmentin aıtarlyqtaı keńeıtý kózdeledi. Assambleıa quramynda barlyǵy 39 etnıkalyq top bar», dedi QHA Tóraǵasynyń orynbasary.
Sondaı-aq QHA keńesiniń quramy jańartylady.
«Keńes quramy 76 músheden (buryn 72 múshe bolǵan) turady, oǵan Memleket basshysy, Prezıdent Ákimshiligi men Tuńǵysh Prezıdent - Elbasy Keńsesiniń basshysy, Aqparat jáne qoǵamdyq damý, Mádenıet jáne sport, Bilim jáne ǵylym mınıstrleri, Nur-Sultan, Almaty, Shymkent qalalarynyń, oblystardyń ákimderi kirdi. Olar da jergilikti QHA tóraǵalary bolyp sanalady. Keńestiń 10 múshesi Parlament Májilisiniń, Keńestiń eki múshesi Parlament Senatynyń depýtattary ekenin aıtý kerek», dedi Marat Ázilhanov.
